ભાજપના નેતાઓ અને કાર્યકર્તાઓ લોકોના ઘર-ઘર અને સોસાયટીઓ સુધી જઈને મત માટે લોકોને મનાવી રહ્યા છે.
પ્રસાર-પ્રચારનો ધમધમાટ શરૂ
ભાજપનું ડોર-ટુ-ડોર મિશન
લોકોને આકર્ષવા ભાજરની રણનીતિ
સ્થાનિક સ્વરાજ્યની ચૂંટણીઓના પડઘમ વાગી ચૂક્યા છે. અને ભાજપ-કોંગ્રેસના ઉમેદવારોએ ફોર્મ પણ ભરી દીધા છે. તેવામાં સ્વાભાવિક છે કે, ચૂંટણી પ્રચારની કવાયત જોરજોરથી શરૂ થવાની. હાલ મહાનગરોમાં ચૂંટણી પ્રયારના પડધમો વાગવાના પણ શરૂ થઈ ગયા છે. ચૂંટણી આવે ત્યારે કેવો માહોલ હોય અને કેવી રીતે નેતાઓ પોતાની ખુરસી બચાવવા કે, ખુરસી જમાવવા રસ્તા પર ઉતરે છે. હાલ સ્થાનિક સ્વરાજ્યની ચૂંટણીના પડઘમ વાગી ચૂક્યા છે. અને મહાનગરપાલિકાઓમાં ઉમેદવારોના ફોર્મ પણ ભરાઈ ગયા છે. જે બાદ તમામ રાજકીય પક્ષોએ જીતની આશા સાથે પ્રચાર-પ્રસાર શરૂ કરી દીધો છે.
મેગા સિટી અમદાવાદની કરીએ તો, અહીં પણ સત્તાધારી પક્ષ ભાજપે પ્રયાર-પ્રસાર શરૂ કરી દીધો છે. ભાજપના નેતાઓ અને કાર્યકર્તાઓ લોકોના ઘર-ઘર અને સોસાયટીઓ સુધી જઈને મત માટે લોકોને મનાવી રહ્યા છે. પોતાને મત આપવા માટે લોકોને પોતાની સ્કીમો જણાવી રહ્યા છે. તેવામાં આ વખતે નવા સીમાંકન પ્રમાણે, બોપલ-ઘુમા નગરપાલિકાનો પણ હવે મહાનગરપાલિકામાં સમાવેશ થઇ ચૂક્યો છે. ત્યારે અહીં કેન્દ્રીય ગૃહમંત્રી અમિત શાહના ખુબ નજીકના ગણાતા હિતેશ બારોટ ટિકીટ મળતા પ્રચાર ચર્ચાનો વિષય બન્યો છે.
બીજી તરફ વર્ષોથી ભાજપનું પ્રભુત્વ ધરાવતા પાલડી વોર્ડમાંથી ભાજપે પૂર્વ કાઉન્સીલર જૈનિક વકીલને ઉતાર્યા છે. અને તેઓ પણ અમદાવાદમાં શિક્ષણ કેવી રીતે વધુ મજબૂત બને મહાનગરપાલિકાની સ્માર્ટ શાળા કેવી હોય તેવા મુદ્દાઓ સાથે મેદાનમાં ઉતર્યા છે..
મહત્વનું છે કે, ભાજપે આ વખતે ચૂંટણીમાં ધરખમ ફેરફારો કર્યા છે. જેમાં ખાસ કરીને ઉમેદવારોની પસંદગીમાં ફેરફાર કરતા મોટા ભાગના નવા ઉમેદવારો મેદાનમાં ઉતાર્યા છે. આ સાથે જ મહાનગરપાલિકાની 192 બેઠકોમાંથી 175 બેઠકો જીતવાનો લક્ષ્યાંક પણ મુક્યો છે. અને આ લક્ષ્યાંક પૂર્ણ કરવા માટે તમામ કાર્યકર્તાઓને લોકોના દરવાજા ખખડાવવા માટે મેદાનમાં ઉતાર્યા છે. ડોર ટૂ ડોર પ્રચાર શરૂ કર્યો છે. હાલ તમામ રાજકીય પક્ષો આવી જ રીતે પોતાની સત્તા માટે મથી રહ્યા છે. તેવામાં જોવાનું એ રહેશે કે, આ ચૂંટણીમાં કોણ-કોના મુળિયા સાફ કરે છે. અને કોણ જીતના પરચમ લહેરાવે છે.