સાંબરકાંઠા / જાણો બાજ ગેંગના મુખ્ય આરોપી શકીલખાન શેખ સાથે કુલ કેટલી બાઈક કરી જપ્ત

• સાબરકાંઠા જિલ્લા LCB પોલીસે બાઇક ચોર ગેંગનો કર્યો પર્દાફાશ
• 52 બાઈક ચોરી કરનાર બાજ ગેંગનો મુખ્ય સૂત્રધાર ઝડપાયો
• ગુજરાત અને રાજસ્થાનનો મોસ્ટ વોન્ટેડ શકીલખાન શેખ ઝડપાયો

સાબરકાંઠા જિલ્લા LCB પોલીસે બાઈક ચોરી કરતી બાજ ગેંગનો પર્દાફાશ કર્યો છે. બાતમીના આધારે પોલીસે અગાઉ 52 બાઈક ચોરી કરનાર બાજ ગેંગના મુખ્ય સૂત્રધાર અને ગુજરાત, રાજસ્થાનના મોસ્ટ વોન્ટેડ આરોપી શકીલખાન શેખની ધરપકડ કરી છે. સાથે જ અન્ય 3 આરોપીઓ નરેશ પરમાર, ગોમારામ બુબડિયા અને રમેશકુમાર મીણાની પણ ધરપકડ કરી છે. પોલીસે 54 બાઈક સહિત રૂપિયા 13 લાખથી વધુનો મુદ્દામાલ જપ્ત કર્યો છે.

પોલીસ તપાસમાં આ તમામ આરોપીઓ રાજસ્થાનના હોવાનું સામે આવ્યું છે. તો અન્ય 4 આરોપીઓને ઝડપવા LCBએ તપાસ હાથ ધરી છે. આપને જણાવી દઈએ કે, આ બાજ ગેંગ ગુજરાત તેમજ રાજસ્થાનના બોર્ડર નજીકના તાલુકાઓમાં રેકી કરી બાઈક ચોરી કરતા હતા. સાથે જ ગાડીના એન્જિન નંબર અને ચેચીસ નંબર દૂર કરી નંબર પ્લેટ બદલી નાખતા હતા અને ત્યાર બાદ રાજસ્થાનમાં ઓછી કિંમતે બાઈકનું વેચાણ કરતા.