અભિયાન દ્વારા ‘USA વિઝા ઍક્સ્પો’: અમેરિકાના તમામ પ્રકારના વિઝાની યોગ્ય અને સચોટ માહિતી મેળવો

કોઇ પણ વ્યક્તિનું સપનું હોય કે તે અમેરિકા એક વખત તો જાય. જ્યારે ગુજરાતીઓને તો ખાસ કરીને અમેરિકામાં ભણવા જવા કે સેટલ થવા માટે અથાગ પ્રયત્નો કરતા હોય છે.  પરંતુ આ બધામાં સૌથી મોટી સમસ્યા નડતી હોય તો અમેરિકાના વિઝા મળવા. અમેરિકાના વિઝા આસાનીથી મળતા નથી અને તેનું મુખ્ય કારણ એ હોય છે કે આપણને તેની વિઝા પ્રોસેસની યોગ્ય અને સંપૂર્ણ માહિતી હોતી નથી.

જેમ કે અમેરિકા કઇ રીતે જવું અને તેના કેટલા પ્રકારના વિઝા હોય છે? કયા વિઝામાં કયા-કયા પ્રકારના દસ્તાવેજો તેમ જ લાયકાતોની જરૂરિયાત હોય છે જેવી યોગ્ય જાણકારીઓ કે માહિતી હોતી નથી. પરિણામે અમેરિકાના વિઝા મેળવવા એક સપનું જ બની જતું હોય છે. 

જો તમે પણ અમેરિકા જવાની ઇચ્છા ધરાવતા હોવ અને વિઝાની યોગ્ય માહિતી મેળવવા માંગતા હોવ તો ‘અભિયાન’ મેગેઝિન દ્વારા અમદાવાદમાં આજે સૌપ્રથમ વખત ભાઈકાકા હોલ, લો-ગાર્ડન ખાતે ‘યુએસએ  વિઝા એકસ્પો’ યોજાઇ રહ્યો છે. જેમાં મુખ્ય વક્તા તરીકે ડો. સુધીર શાહ આપણને અમેરિકાના વિઝાને લઇને માર્ગદર્શન આપશે.

આ સેમિનારમાં ડો. સુધીર શાહ સહિત વિપુલ જોષી (એડવોકેટ), જસ જોશી ('ઇમિગ્રેશન કી દુનિયા' ફેમ એકટર) ઉપસ્થિત રહેશે. આ કાર્યક્રમમાં 'વરને શોધું કે વિઝાને?' પુસ્તકનું ભવ્ય વિમોચન કરવામાં આવશે. એટલે અમેરિકાના વિઝા વિશે નિઃશુલ્ક માહિતી મેળવવાની આ તક કોઇ પણ ગુજરાતીએ ચૂકવા જેવી નથી.

ગૂંચવણભર્યા સવાલોના મળશે જવાબો

અમેરિકાના 10 વર્ષના મલ્ટિએન્ટ્રી બી-1, બી-2 વિઝા કેમ મેળવી શકાય? અનેકવાર રિજેક્ટ થયા હોય તો ફરીથી અરજી કરતા વિઝા મળી શકે કે નહી?, ઇમિગ્રેશનની બાબતમાં કંઇ ખોટું કર્યું હોય તો 'વેયર' (માફી) માગીને વિઝા મેળવી શકાય ? જેવા ગૂંચવણભર્યા સવાલોના જવાબ વિઝાના ડોકટર અમેરિકાના ઇમિગ્રેશનના કાયદાના નિષ્ણાંત મુંબઇના ડો. સુધીર શાહ, એડવોકેટ આપશે.

કાર્યક્રમની રૂપરેખા

તારીખઃ શનિવાર 23 માર્ચ, 2019
સમયઃ બપોરે 4.00થી 8.00 કલાકે
સ્થળઃ ભાઇકાકા હોલ, લો-ગાર્ડન, અમદાવાદ

કોણ આપશે માર્ગદર્શન

મુખ્ય વક્તાઃ ડો. સુધીર શાહ
વિપુલ જોશી, એડવોકેટ
જશ જોશી ('ઇમીગ્રેશન કી દુનિયા' ફેમ એકટર)

કાર્યક્રમના મુખ્ય આકર્ષણ

•    ‘કોન બનેગા વિઝા પતિ?’ સવાલ જવાબની વિસ્મયકારક રમત વક્તાઓ દ્વારા વિસ્તૃત જાણકારી અને વિજેતાઓને આકર્ષક ભેટ 
•    'વરને શોધું કે વિઝાને?' પુસ્તકનું વિમોચન
•    શ્રોતાઓના સવાલોના જવાબો

કયા પ્રકારના વિઝાઓની જાણકારી મળશે

•    એફ-1 (સ્ટુડન્ટ)
•    એચ-1બી (સ્પેશિયાલિટી ઓક્યુપેશન વર્કર)
•    એલ-1 (આંતરકંપની ટ્રાન્સફરી મેનેજર, એક્ઝિક્યુટિવ અને ખાસ જાણકારીવાળી વ્યક્તિઓ)
•    પી-3 (નાટયકાર અને સાંસ્કૃતિક કાર્યક્રમ)
•    આઇ (ન્યૂઝપેપર રીપોર્ટરો)
•    આર-1 (પૂજારીઓ)
•    લગ્નના આધારે મળતા નોન ઇમિગ્રેન્ટ ડિપેન્ડન્ટ વિઝા તેમ જ ઇબી-5 પ્રોગ્રામ હેઠળ ઇન્વેસ્ટમેન્ટ કરીને ગ્રીન કાર્ડ કેમ મેળવી શકાય ? આ સર્વે વિશે જાણકારી મેળવો. 

ફ્રી રજીસ્ટ્રેશન માટે સંપર્ક કરો
મો. 9925205193