દાયકાઓમાં સૌથી વધુ મંદીને કાબૂમાં લેવાના પ્રખર પ્રયાસો વિશ્વ પર ભારે પડવાના છે. સતત વધી રહેલા વ્યાજદરોથી વૈશ્વિક વૃદ્ધિમાં મંદીનું જોખમ વધે છે
આ વર્ષના અંતમાં આવશે વિશ્વ પર મંદીનો માર
વૈશ્વિક બ્રોકરેજ ફર્મ નોમુરા હોલ્ડિંગ્સે આપી ચેતવણી
2023માં અમેરિકા અને યુરોપની અર્થવ્યવસ્થા ધીમી પડશે
મંદીનો વિશ્વમાં માર
ઘણા વર્ષો બાદ ફરી વિશ્વ પર વૈશ્વિક મંદીના વાદળો ઘેરાયા છે. કોરોના મહામારી, યુરોપમાં ચાલી રહેલું યુદ્ધ (રશિયા-યુક્રેન યુદ્ધ) અને સપ્લાય ચેઇનમાં ખલેલ જેવી સમસ્યાઓનો સામનો કરી રહેલા વૈશ્વિક અર્થતંત્ર પર મંદીનો ખતરો પહેલેથી જ વધી રહ્યો છે. આ વખતે મંદીનો ખતરો એટલો ગંભીર છે કે દુનિયાના સૌથી અમીર વ્યક્તિ એલન મસ્ક પણ તેનાથી ડરે છે. હવે વૈશ્વિક બ્રોકરેજ ફર્મ નોમુરા હોલ્ડિંગ્સે પણ આ ખતરાને લઇને દુનિયાને ચેતવણી આપી છે.
આ કારણોથી વધે છે મંદીનું જોખમ
નોમુરાએ તાજેતરના એક અહેવાલમાં જણાવ્યું હતું કે, આગામી 12 મહિનાની અંદર વિશ્વની મોટી અર્થવ્યવસ્થાઓ મંદીની ઝપેટમાં આવી જશે. રિપોર્ટ અનુસાર કડક થઈ રહેલી સરકારી નીતિઓ અને જીવન નિર્વાહના વધતા ખર્ચ ગ્લોબલ ઈકોનોમીને મંદી તરફ ધકેલી રહ્યા છે. જો નોમુરાની વાત માનીએ તો વિશ્વની સૌથી મોટી અર્થવ્યવસ્થા અમેરિકાની સાથે સાથે યૂરોપીય સંઘ (EU)ના દેશો, યુકે, જાપાન, દક્ષિણ કોરિયા, ઓસ્ટ્રેલિયા અને કેનેડા જેવા મોટા અર્થતંત્રોને મંદીનો માર પડી શકે છે.
મોંઘવારી પર અંકુશ આવશે, પરંતુ મંદી તો આવશે જ
નોમુરાએ જણાવ્યું હતું કે વિશ્વભરની કેન્દ્રીય બેંકો ફુગાવાને અંકુશમાં લેવા માટે વ્યાજના દરમાં વધારો કરી રહી છે. કેન્દ્રીય બેન્કોની નીતિઓ નોંધપાત્ર રીતે કડક કરવામાં આવી રહી છે, પછી ભલેને તેની વૈશ્વિક વૃદ્ધિ પર નકારાત્મક અસર પડે. તેમણે રિસર્ચ રિપોર્ટમાં જણાવ્યું હતું કે, "વિશ્વની અર્થવ્યવસ્થા ધીમી ગતિએ ધીમી પડી રહી હોવાના સંકેતો વધી રહ્યા છે. આનો અર્થ એ કે વૃદ્ધિ માટેની અર્થવ્યવસ્થાઓ હવે નિકાસમાં સુધારો કરવાની ખાતરી આપી શકશે નહીં. આ તે કારણો છે જેણે અમને એક કરતા વધુ અર્થતંત્રમાં મંદીની આગાહી કરવાની ફરજ પાડી છે. "
અમેરિકા પર મંદીની મોટી અસર પડશે
રિપોર્ટ અનુસાર મોંઘવારીનો ઊંચો દર ચાલુ રહેવાનો છે, કારણ કે કિંમતોનું દબાણ હવે કોમોડિટી સુધી સિમિત નથી રહ્યું, પરંતુ સર્વિસ સેક્ટર, ભાડા અને પગાર પણ તેનાથી પરેશાન છે. જો કે નોમુરાનું કહેવું છે કે મંદી કેટલી વિનાશકારી હશે, તે અલગ અલગ દેશો માટે અલગ અલગ હશે. અમેરિકા પર નોમુરાએ કહ્યું કે, આ વર્ષના અંતિમ ત્રિમાસિક એટલે કે ઓક્ટોબર-ડિસેમ્બર ક્વાર્ટરમાં વિશ્વની સૌથી મોટી અર્થવ્યવસ્થા મંદીની ચપેટમાં આવી શકે છે. અમેરિકામાં મંદી પાંચ ક્વાર્ટર એટલે કે 01 વર્ષ 04 મહિના સુધી રહી શકે છે.
રશિયાની ચાલથી હચમચી ઉઠશે યુરોપ
યુરોપ અંગેના રિપોર્ટમાં કહેવામાં આવ્યું છે કે જો રશિયા ગેસનો પુરવઠો સંપૂર્ણપણે બંધ કરી દે તો યુરોપિયન દેશોમાં મંદી વધુ તીવ્ર બની શકે છે. રિપોર્ટ અનુસાર, આવતા વર્ષે 2023માં અમેરિકા અને યુરોપની અર્થવ્યવસ્થા 0.1 ટકા પર ધીમી પડી શકે છે. ઓસ્ટ્રેલિયા, કેનેડા અને દક્ષિણ કોરિયા જેવા મધ્યમ કદના અર્થતંત્રો અંગે નોમુરાએ જણાવ્યું હતું કે, જો વ્યાજના દરમાં વધારો થવાથી હાઉસિંગ સેક્ટરના નીચે પડે તો આ દેશોમાં મંદી ધારણા કરતા વધુ ગંભીર બની શકે છે. દક્ષિણ કોરિયાને મંદીનો સૌથી વધુ ફટકો પડશે અને આ વર્ષે જુલાઈ-સપ્ટેમ્બર ક્વાર્ટરમાં દેશની અર્થવ્યવસ્થાના કદમાં 2.2 ટકાનો ઘટાડો થવાની સંભાવના છે.
ભારત અને ચીનમાં મંદી દેખાશે નહીં
એશિયાઈ અર્થવ્યવસ્થાની વાત કરીએ તો જાપાનમાં પણ મંદીનો ખતરો છે. એશિયાનું બીજા ક્રમનું સૌથી મોટું અર્થતંત્ર જાપાન મંદીને કારણે તુલનાત્મક રીતે ઓછું પ્રભાવિત થઈ શકે છે. નીતિના સમર્થનમાં વિલંબ અને જાપાન માટે આર્થિક પુન:ખોલવાથી મદદ મળી શકે છે. એશિયાની સૌથી મોટી અને વિશ્વની બીજા નંબરની સૌથી મોટી અર્થવ્યવસ્થા ચીન પર નોમુરાનું માનવું છે કે અનુકૂળ નીતિઓના કારણે દેશ મંદીનો માર ટાળી શકે છે. જો કે ચીન પર ઝીરો કોવિડ રણનીતિના કારણે કડક લોકડાઉનનો ખતરો છે. મુખ્ય અર્થતંત્રોમાં સૌથી ઝડપી વિકાસદર ધરાવતો દેશ ભારત પણ મંદીથી દુર રહી શકે છે. જોકે વૈશ્વિક અર્થતંત્રની મંદીની મર્યાદિત અસરની શક્યતા નકારી શકાય નહીં.
શેરબજાર વધુ ડૂબશે
જો તમે પણ શેર બજારમાં ઘટાડાને રોકાવાની રાહ જોઈ રહ્યા છો, તો રિપોર્ટમાં તમારા માટે ખરાબ સમાચાર આપ્યા છે. બ્રોકરેજ ફર્મનું સ્પષ્ટપણે માનવું છે કે, શેરબજારો હમણાંથી ઘટવાના કોઈ સંકેત નથી. નોમુરાએ જણાવ્યું હતું કે મંદીના ડરથી બજાર વધુ ઘટવાનું છે. જો કે બજાર માટે એક જ રાહતની વાત એ હોઈ શકે છે કે મંદીની અસર થોડી ઓછી રહી શકે છે. રિપોર્ટ અનુસાર મંદીના કારણે અમેરિકી અર્થવ્યવસ્થાના કદમાં લગભગ 1.5 ટકાનો ઘટાડો થવાની સંભાવના છે, જ્યારે મહામારી દરમિયાન તેમાં લગભગ 10 ટકા અને મહા આર્થિક મંદીના કારણે લગભગ 0.4 ટકાનો ઘટાડો નોંધાયો છે.