બીજેપીનાં કદાવર નેતા તરીકે સ્થાન હાંસલ કરનાર નિર્મલા સીતારણ દેશની બીજી મહિલા નાણાંમંત્રી બની ગઇ છે. ગુરૂવારનાં રોજ શપથ લીધા બાદ શુક્રવારનાં રોજ તેઓને પ્રધાનમંત્રી મોદીએ આ વખતે નાણાંમંત્રાલયની કમાન સોંપી છે. આ પહેલા દેશની પૂર્વ પ્રધાનમંત્રી ઇન્દિરા ગાંધી 1970થી 1971 એક વર્ષ માટે દેશની નાણાંમંત્રી હતી. નિર્મલાને પહેલાની સરકારમાં રક્ષામંત્રી અને તેનાં પહેલા કંપનીઓનાં મામલાઓમાં મંત્રી બનાવ્યાં હતાં. વર્ષ 2008માં તેઓ ભાજપનાં ભાગ બન્યા અને ત્યારથી જ તેઓ પાર્ટી સાથે જોડાયેલા છે.
આ કારણોસર સોંપાયું નાણાંમંત્રાલયઃ
નિર્મલાને નાણાંમંત્રાલય સોંપવા પાછળનું એક મોટું કારણ છે. તેઓએ પોતાની સ્નાતક અને માસ્ટરનો અભ્યાસ અર્થશાસ્ત્રમાં કર્યો હતો. માસ્ટરની ડિગ્રી જેએનયૂમાંથી લીધી છે. તેમનાં પતિ પી. પ્રભાકર પણ આંધ્રપ્રદેશનાં પૂર્વ મુખ્યમંત્રી એન ચંદ્રબાબુ નાયડુની સૂચના અનુસાર સલાહકાર રહ્યાં હતાં. આનો અર્થ એ છે કે તેઓને નાણાંકીય અને આની સાથે જોડાયેલ અન્ય મામલાઓની ખૂબ જ સારી એવી જાણકારી છે.
આ પહેલાં નિર્મલા સીતારમણ રક્ષામંત્રી હતી. તમને જણાવી દઇએ કે ત્યારે પણ નિર્મલા બીજી એવી મહિલા રહ્યાં હતાં કે જેઓએ પૂર્વ પ્રધાનમંત્રી ઇન્દિરા ગાંધી બાદ રક્ષા મંત્રાલયની જવાબદારી સંભાળી હતી. ગઇ વખતની સરકારમાં રક્ષામંત્રી તરીકે નિર્મલાએ સારું કામ કર્યુ હતું. એટલા માટે તેઓને નાણાંમંત્રાલયનો કાર્યભાર સોંપવામાં આવ્યો.
અરૂણ જેટલી હતાં પૂર્વ નાણાંમંત્રીઃ
નિર્મલા પહેલા અરૂણ જેટલી કેન્દ્રીય નાણાંમંત્રી હતાં. જેટલીએ ગુરૂવારનાં રોજ પ્રધાનમંત્રી મોદીને ચિઠ્ઠી લખી હતી. જેમાં તેઓએ પોતાનાં ખરાબ સ્વાસ્થ્યનો હવાલો સોંપતા નવી સરકારમાં કોઇ જવાબદારી નહીં આપવાનો આપવાનો અનુરોધ કર્યો હતો.
જેટલીની ચિઠ્ઠી વાંચો...
આપનાં નેતૃત્વમાં પાંચ વર્ષની સરકારનો ભાગ રહેવા માટે ખૂબ જ સમ્માન અને ગર્વની વાત છે. આ દરમ્યાન મને ખૂબ જ શીખવાનો અવસર મળ્યો. આ પહેલાં એનડીએની પ્રથમ સરકારમાં પણ મને કામ કરવાનું સૌભાગ્ય મળ્યું. પાર્ટી સંગઠન અને એટલે સુધી કે વિપક્ષમાં જવાબદારી આપવામાં આવી. મેં આનાથી પણ અધિક કંઇ જ નથી ચાહ્યું. મેં અંદાજે 18 માસથી ગંભીર સ્વાસ્થ્ય ચેલેન્જો સામે ઝઝૂમી રહ્યો છું. ડૉક્ટરોએ મહત્વનાં મોકા પર મને આ પડકારોએ ઉભાર્યા છે.