ફાયદાની વાત / નોકરીયાતને મોદી સરકારની દિવાળી ભેટ! 6 કરોડ લોકોના ખાતામાં સીધા ટ્રાન્સફર થશે પૈસા, આ રીતે કરો ચેક

• દિવાળી પહેલા કર્મચારીઓને મળશે ભેટ 
• 6 કરોડ લોકોના ખાતામાં ટ્રાન્સફર થશે પૈસા 
• EPFO સબ્સક્રાઈબર્સના ખાતામાં જમા થશે પૈસા 

દિવાલી પહેલા કર્મચારી ભવિષ્ય નિધિ ફંડ (EPFO-Employees Provident Fund Organisation)ના 6 કરોડથી વધારે સબ્સક્રાઈબર્સ માટે ખુશખબર છે. નાણામંત્રાલયે 6.5 કરોડ ખાતાધારકોના એકાઉન્ટમાં વ્યાજની રકમ ટ્રાન્સફર કરવાની મંજૂરી આપી દીધી છે. EPFO નાણાકીય વર્ષ 2020-21 માટે 8.5 ટકા વ્યાજ EPF સબ્સક્રાઈબર્સના એકાઉન્ટમાં મોકલશે. 

નાણામંત્રાલયે તેને મંજૂરી આપી દીધી છે. ગયા નાણાકીય વર્ષ 2019-20માં KYC (Know Your Customer)માં થયેલી મોટી ગડબડીથી વ્યાજ મળવામાં ઘણા સબ્સક્રાઈબર્સને 8થી 10 મહિનાની લાંબી રાહ જોવી પડી હતી. દેશમાં 6.5 કરોડ લોકો PFના દાયરામાં આવે છે. 

હવે શું થશે? 
શ્રમ સચિવ સુનીલ વર્થવાલે જણાવ્યું કે નાણામંત્રાલય પાસેથી મંજૂરી ગુરૂવારે સાંજે એટલે કે 28 ઓક્ટોબરે મળી છે. હવે આવતા એક અઠવાડિયામાં તનું નોટિફિકેશન જાહેર થઈ જશે. 

તમને જણાવી દઈએ કે કર્મચારી ભવિષ્ય નિધિ ફંડ (EPFO)માં રજીસ્ટર્ડ કંપનીઓને કર્મચારીઓના વેતનમાંથી 12 ટકા ભાગ PFમાં જમા કરાવવાનો હોય છે. 

આટલો જ ભાગ કંપનીની તરફથી પણ આ એકાઉન્ટમાં જમા કરાવવામાં આવે છે. કંપની પોતાની સેલેરીમાંથી PF ડિડક્શન કરે છે. કંપનીની આ જવાબદારી છે કે તે તમને PFના પૈસા EPFOમાં સમય રહેતા જમા કરાવે. 

ઘરે બેસીને ચેક કરો તમારો ખાતુ 
EPFO સબ્સક્રાઈબર્સ EPF બેલેન્સ જાણવા માટે EPFOની પાસે રજીસ્ટર્ડ પોતાના મોબાઈલ નંબરથી SMS મોકલી શકે છે રજીસ્ટર્ડ મોબાઈલ નંબરથી EPFOHO UAN લખીને 7738299899 પર SMS કરવાનો રહેશે. 

હિન્દીમાં જાણકારી માટે EPFOHO UAN HIN લખીને મેસેજ કરવાનો રહેશે. તે ઉપરાંત, EPFOની પાસે રજીસ્ટર્ડ મોબાઈલ નંબરથી 011-22901406 પર મિસ્ડ કોલ કરીને પણ EPF બેલેન્સ માંગી શકાય છે. 

 

• સૌથી પહેલા EPFOની વેબસાઈટ epfindia.gov.in  પર જાઓ
• Services સેક્શન પર જઈને For Employees પર ક્લિક કરો 
• ત્યાર બાદ Services માં Member Passbook પર ક્લિક કરો 
• UAN નંબર, પાસવર્ડ અને કેપ્ચા ભરીને લોગ ઈન કરો. નવા પેજ પર તમારા મેમ્બર IDની પસંદગી કરો. 
• View Passbook પર ક્લિક કરો. ત્યાર બાદ અહીં તમારે EPF ખાતામાં બેલેન્સ સાથે જોડાયેલી ડિટેલ્સ મળી જશે અને વ્યાજ પણ જોઈ શકાશે.