પેટ્રોલ ડીઝલની કિંમતોમાં સતત થઈ રહેલા વધારાના મુદ્દાને લઈને જ્યાં બે દિવસ સુધી સંસદના બંને ગૃહની કાર્યવાહી બે દિવસ સુધી ખોરંભાયેલી રહી ત્યારે હવે તેને જીએસટીમાં લાવવાનો રસ્તો પણ મુશ્કેલ જણાઈ રહ્યો છે.
મોદી સરકારના કેન્દ્રીય પેટ્રોલિયમ મંત્રીએ કરી હતી માંગણી
પેટ્રોલિયમ મંત્રી ધર્મેન્દ્ર પ્રધાને આ મુદ્દે માંગણી કરી હતી
અનુરાગ ઠાકુરનું કહેવું છે કે આ મુદ્દે હજુ સુધી જીએસટી કાઉન્સિલથી કોઈ ભલામણ નથી થઈ
છેલ્લા કેટલાય દિવસથી પેટ્રોલ-ડીઝલના ભાવમાં થયેલા ભડકાને લઈને દેશના સામાન્ય માનવીની કમ્મર મોંઘવારીથી બેવડ વાંકી ગઈ છે અને આ મુદ્દે વિપક્ષો પણ સતત મોદી સરકાર વિરુદ્ધ આક્રમક વલણ અપનાવી ચૂક્યા છે, ત્યારે આ મુદ્દે લોકોનો ઉહાપોહ શાંત કરવા માટે કેન્દ્રીય પેટ્રોલિયમ મંત્રી ધર્મેન્દ્ર પ્રધાન દ્વારા પેટ્રોલ-ડીઝલને જીએસટીમાં સામેલ કરવાની વાત કરવામાં આવી હતી, જો કે હવે નાણામંત્રી(રાજ્ય) અનુરાગ ઠાકુરે આ વિશે એક મહત્વનું નિવેદન આપ્યું છે.
જીએસટી પરિષદ તરફથી કોઈ પણ ભલામણ કરવામાં આવી નથી
રાજ્ય નાણાંમંત્રી અનુરાગ ઠાકુરે કહ્યું હતું કે કોઈ પણ વસ્તુને જીએસટીની હેઠળ લાવવા માટે જીએસટી પરિષદની ભલામણ જરૂરી હોય છે, જો કે હજુ સુધી જીએસટી પરિષદ દ્વારા પેટ્રોલ-ડિઝલના મુદ્દે આવી કોઈ પણ ભલામણ કરવામાં નથી આવી.
વિપક્ષો મોદી સરકારની માથે માછલાં ધોઈ રહ્યા છે
પેટ્રોલ-ડીઝલની કિંમતોને લઈને વિપક્ષો સતત મોદી સરકારને ભીંસમાં લઈ રહ્યા છે, અને સસંદના બજેટ સત્રનું બીજું ચરણ કાલથી શરૂ બે દિવસ પહેલા શરૂ થઈ ચૂક્યો છે, છતાં પણ રાજ્યસભા અને લોકસભામાં આ મોંઘવારીના મુદ્દે ચર્ચા કરવા માટે સત્તા પક્ષ અને વિપક્ષ વચ્ચે અવરોધ સર્જાયેલો જ છે અને હજુ સુધી કોઈ પણ ઉકેલ નીકળ્યો નથી. છેલ્લા બે દિવસોથી સદનમાં નારેબાજી જ ચાલુ રહી છે, જેના લીધે સંસદની કાર્યવાહીને વારંવાર સ્થગિત કરવી પડી છે.
જીએસટી પરિષદમાં બધા જ રાજ્યો સામેલ છે
કોઈ પણ ચીજ વસ્તુ કે સેવા પર જીએસટી લગાડવા, કે હટાવવા અથવા તેના રેશિયોમાં કોઈ ફેરફાર કરવા માટે જીએસટી પરિષદમાં નિર્ણય કરવામાં આવે છે, અહીં બધા જ રાજ્યોના નાણામંત્રીઓ અને સામેલમ હોય છે અને કેન્દ્રીય નાણાંમંત્રી તેની અધ્યક્ષતા કરતાં હોય છે.
પેટ્રોલ-ડીઝલથી રાજ્યોને આવક મળે છે
પેટ્રોલ-ડીઝલ માંથી રાજ્યોને વેટ પેટે મબલખ રૂપિયાની આવક થાય છે, કેન્દ્ર સરકાર જ્યાં તેના પર ઉત્પાદન ટેક્સ, ઉપકર, સીમા શુલ્ક વગેરે લગાડે છે, ત્યાં રાજય સરકારો પણ વેટ વગેરે ટેક્સ લગાડીને કરોડોની કમાણી કરે છે, જો આ વસ્તુ જીએસટીમાં સામેલ થાય તો રાજ્યોને તેમની આવક ગુમાવવી પડી શકે છે માટે આ મુદ્દે જીએસટી પરિષદમાં સ્વીકૃતિ મળવી મુશ્કેલ છે.