સંસદમાં બજેટ રજૂ કરતી વખતે નાણા મંત્રી નિર્મલા સીતારામણથી એક નાનકડી ભૂલ થઈ જતા આખી સંસદ હસી પડી હતી, તેઓ ખુદ પણ હસ્યાં હતા.
સંસદમાં નાણા મંત્રીના બજેટ વખતે બની એક હાસ્યની ઘટના
નિર્મલા સીતારામણે કરી એક નાનકડી ભૂલ
કહ્યું બધા વાહનો હટાવવામાં આવશે
હકીકતમાં બોલવાનું હતું, પ્રદૂષણ કરનાર વાહનો દૂર કરાશે
સીતારામણની આ વાત પર તમામ સાંસદો હસી પડયાં
નાણામંત્રી નિર્મલા સીતારમણે આજે સંસદમાં 5મી વાર કેન્દ્રીય બજેટ રજૂ કર્યું હતું. આ રેકોર્ડ બનાવનાર તેઓ દેશના છઠ્ઠા નાણામંત્રી છે. આ દરમિયાન તેમણે શ્રી અન્ના યોજના, પીએમ વિશ્વકર્મા સ્કિલ ઓનર સ્કીમ સહિત ઘણી યોજનાઓની જાહેરાત કરી હતી. તેમણે બજેટમાં ઇલેક્ટ્રિક વાહનોને પ્રોત્સાહન આપવા પર પણ ભાર મૂક્યો હતો.
કેમ હસી પડ્યાં તમામ સાંસદો
બજેટ રજૂ કરતી વખતે સીતારમણે એક નાનકડી ભૂલ પણ કરી હતી, જેના કારણે થોડીક ક્ષણો માટે સંસદમાં હાસ્યનું મૌજુ ફેલાઈ ગયું હતું અને તમામ સાંસદો હસવા લાગ્યા હતા. હકીકતમાં, સ્ક્રેપિંગ પોલિસીમાં પ્રોત્સાહનની જાહેરાત કરતી વખતે નાણાં પ્રધાને કહ્યું હતું કે, તમામ વાહનોને દૂર કરવામાં આવશે. આ વાત પર બધા સાંસદો હસવા લાગ્યા અને નાણામંત્રીએ પોતાની વાત સુધારી લીધી.
ઈલેક્ટ્રિક વાહનોના ઉપયોગને પ્રોત્સાહન
જ્યારે નાણામંત્રી પ્રદૂષણ ફેલાવતા વાહનોને હટાવવાની વાત કરી રહ્યા હતા, ત્યારે તેમણે આકસ્મિક રીતે તમામ વાહનોની વાત કરી હતી. ત્યારે જ વિપક્ષી સાંસદે ધ્યાન દોર્યું, જે બાદ બધા હસી પડ્યા. સીતારામને તરત જ તેને સુધાર્યું અને ફરીથી તે વાક્ય વાંચ્યું. નાણાં પ્રધાને કહ્યું કે વાહનોના સ્ક્રેપિંગ માટે વધુ ભંડોળ ફાળવવામાં આવશે. અમે ઈલેક્ટ્રિક વાહનોના ઉપયોગને પ્રોત્સાહન આપીશું. તેમણે કહ્યું કે જૂના વાહન પર સ્ક્રેપિંગ પોલિસી હેઠળ લોકોને પણ લાભ આપવામાં આવશે. તેમણે બજેટમાં ગ્રીન ગ્રોથની વિભાવનાનો પણ ઉલ્લેખ કર્યો હતો.
ખુદ નિર્મલા સીતારામણ હસી પડ્યાં
પોતાનાથી ભૂલ થઈ જતાંની ખબર પડતાં ખુદ નાણા મંત્રી હસી પડ્યાં હતા. આ ઉપરાંત બીજા સાંસદો પણ હસવા લાગ્યાં હતા. થોડી વાર પુરતું તો ગંભીર વાતાવરણ હળવું થઈ ગયું હતું.