નાણામંત્રી કનુ દેસાઈ આવતી કાલે વિધાનસભામાં વર્ષ 2022-23 માટે પોતાનું પ્રથમ અને અંતિમ બજેટ રજૂ કરશે
વિધાનસભામાં આવતીકાલે વર્ષ 2022-23 બજેટ રજૂ થશે
બજેટ મહિલાઓ,માછીમારો માટે સારુ રહેશે: કનુ દેસાઈ
નાણામંત્રી કનુ દેસાઈ પોતાનું પ્રથમ અને અંતિમ બજેટ રજૂ કરશે
વિધાનસભામાં બજેટ રજૂ કરતાં પહેલા નાણામંત્રીનું મોટું નિવેદન
રાજ્ય સરકારના નાણામંત્રી કનુ દેસાઈ આવતી કાલે એટેલે ગુરૂવારે વિધાનસભામાં પોતાનું પ્રથમ અને અંતિમ બજેટ રજૂ કરશે તે પહેલા આજે તેઓએ જણાવ્યું હતું કે, આવનારું બજેટ નાગરિકોને રાહત આપનારું છે. આ બજેટમાં મહિલાઓ, માછીમારો, ખેડૂતો, નોકરિયાત વર્ગો , યુવાનો માટે ખૂબ સારું રહેશે.
બજેટમાં નવી યોજના અને ઇન્ફ્રાસ્ટ્રકચર સંબંધિત યોજના જાહેર કરાશે
આ સાથે આ બજેટમાં નવી યોજના અને ઇન્ફ્રાસ્ટ્રકચર સંબંધિત યોજના જાહેર કરવામાં આવશે. ઉલ્લેખનીય છે કે, ગુજરાત વિધાનસભાના બજેટ સત્રની શરૂઆત રાજ્યપાલના સંબોધન સાથે આજથી શરૂ થઈ છે. જે અગામી 31મી માર્ચ સુધી ચાલશે. જેમાં આવતી કાલે વિધાનસભામાં ગુજરાતનું બજેટ રજૂ થશે. આ બજેટસત્રમાં કૃષિ અને મહેસૂલ વિભાગના સુધારા વિધેયક પણ પસાર કરાશે.
બજેટ સત્ર તોફાની રહે તેવા પૂરેપૂરા એંધાણ
ઉલ્લેખનીય છે કે, આ બજેટ સત્ર માટે સરકાર અને વિપક્ષ બંનેએ તૈયારીઓ કરી લીધી છે. આ બજેટ સત્ર હંગામી રહે તેવા પૂરેપૂરા એંધાણ છે. બેરોજગારી, ખેડૂતો, અને શિક્ષણ, અને ભરતી કૌભાંડ, મોંધવારી મુદ્દે વિપક્ષ સરકારને ઘેરવાનો પ્લાન બનાવી ચૂક્યું છે. સામે પક્ષે સરકારે પણ તમામ પ્રશ્નોના વળતાં જવાબ માટે રણનીતિ નક્કી કરી લીધી છે.