નાણકીય વર્ષ 2020-21ના બજેટ રજૂ કરતા પહેલા કેન્દ્રીય નાણામંત્રી નિર્મલા સીતારમણે શનિવારના રોજ એક પ્રેસ કોન્ફરન્સને સંબોધન કર્યું હતું. આ દરમિયાન તેમણે જાણકારી આપતા જણાવ્યું કે, મર્ચન્ટ ડિસ્કાઉન્ટ રેટ (MDR) ફીનો ખર્ચ સરકાર ઉઠાવશે.
નિર્મલા સીતારમણનું મોટું નિવેદન
MDR ફીનો ખર્ચ ઉઠાવશે સરકાર
ફેબ્રુઆરીમાં મોદી સરકારનું બીજું બજેટ રજૂ કરશે સીતારમણ
આ દરમિયાન તેમણે જણાવ્યું કે, જાન્યુઆરી બાદ 50 કરોડ રૂપિયાથી વધુ ટર્નઓવર ધરાવતી કંપની સ્વરૂપે ડેબિટ કાર્ડ અને UPI QR દ્વારા પેમેન્ટ (Digital Payment)ની સુવિધા આપવામાં આવશે.
શું છે MDR ?
ડેબિટ કાર્ડ ચુકવણી પર(Debit Card Payment), એમડીઆર એ ચાર્જ છે કે જે વેપારી તેના સેવા પ્રોવાઇડરને ચૂકવે છે. તે કાર્ડને સ્વાઇપ કરવા માટે દર વખતે પીઓએસ ટર્મિનલ પર લેવામાં આવે છે. તે ઓનલાઇન અને ક્યુઆર કોડ દ્વારા ટ્રાન્ઝેક્શન માટે લેવામાં આવે છે.
કેટલો લાગશે MDR ચાર્જ ?
નોંધનીય છે કે, મર્ચન્ટ દ્વારા આપવામાં આવતો આ ચાર્જ ત્રણ ભાગમાં વહેંચવામાં આવ્યો છે. જેમાં લેવડદેવડમી સુવિધા આપનાર બેંક, PoS મશીન ઇન્સ્ટોલ કરનાર વેન્ડર અને કાર્ડ નેટવર્ક સર્વિસ પ્રાવાઇડરને પણ સામેલ કરવામાં આવ્યા છે. કાર્ડ સ્વાઇપ પર લાગતો આ ચાર્જ 2 % સુધી હોય છે.
નાણામંત્રી સીતારમણે કરી હતી જાહેરાત કરી હતી
જુલાઇ 2019માં બજેટ રજૂ કરતી વખતે નાણા મંત્રીએ કહ્યું હતું કે 50 કરોડ રૂપિયા કે તેનાથી વધારે ટર્નઓવર ધરાવતી કંપનીઓએ ડિજિટલ પેમેન્ટ દરમિયાન પોતાના ચાર્જને ઓછો કરવો જોઈએ. આ દરમિયાન તેમણે કહ્યું હતું કે, આ ખર્ચનું વહન RBI એ ઉઠાવવું જોઇએ. 1 ફેબ્રુઆરી 2020 માં નાણામંત્રી મોદી સરકારના બીજા કાર્યકાળમાં બીજું બજેટ રજૂ કરશે.