મહામારી / આખરે આવી ખરી ત્રીજી લહેર! મહારાષ્ટ્રમાં કોરોના વિસ્ફોટ, 24 કલાકમાં આવ્યાં 8,067 કેસ, મુંબઈમાં 5631

• મહારાષ્ટ્રમાં કોરોનાની ત્રીજી લહેરનું પાક્કુ અનુમાન
• છેલ્લા ચોવીસ કલાકમાં નોંધાયા 8,067 કેસ
• એકલા મુંબઈમાં કોરોનાના 5631 કેસ 

મહારાષ્ટ્રમાં હવે કોરોનાની ત્રીજી લહેર શરુ થઈ હોવાનું પાક્કુ અનુમાન છે. આજે નોંધાયેલા કોરોનાના 8,067 કેસ ત્રીજી લહેરનો સ્પસ્ટ સંકેત છે, રાજ્યમાં ઓમિક્રોનના ચાર કેસ નોઁધાયા છે. રાજ્ય આરોગ્ય વિભાગે આપેલી માહિતી અનુસાર ગુરુવારની તુલનામાં શુક્રવારે લગભગ 2700થી વધારે કેસ સામે આવ્યાં છે. 

એકલા મુંબઈમાં કોરોનાના આજે આવ્યાં 5631 કેસ 
મહારાષ્ટ્રની રાજધાની મુંબઈમાં આજે કોરોનાના 5631 કેસ આવ્યાં છે રેકોર્ડબ્રેક છે. 

Maharashtra reports 8,067 fresh COVID cases (including 4 #Omicron cases), 1,766 recoveries, and 8 deaths today

Active cases: 24,509
Total recoveries: 65,09,096 pic.twitter.com/V2czjz7X8p

— ANI (@ANI) December 31, 2021

રાજ્યમાં કોરોના વાયરસના ચેપના કેસોમાં વધારો થવાને ધ્યાનમાં રાખીને મહારાષ્ટ્ર સરકારે  જાહેર અથવા પ્રાઈવેટ સ્થળોએ એકઠા થતા લોકોની સંખ્યા ઘટાડીને 50 કરી દીધી છે. અગાઉ 100 વ્યક્તિઓને સામાજિક, સાંસ્કૃતિક, રાજકીય અને ધાર્મિક મેળાવડાઓમાં લગ્ન સમારંભ  અથવા ખાનગી સ્થળોએ અને જાહેર જગ્યાઓ પર 250 વ્યક્તિઓને ભાગ લેવાની મંજૂરી આપવામાં આવી હતી.

ત્રીજી લહેરનું પાક્કુ અનુમાન
મહારાષ્ટ્રમાં કોરોનાની ત્રીજી લહેર શરુ થઈ હોવાનું નિષ્ણાંતોનું માનવું છે. કારણ કે એક દિવસમાં 8000થી વધુ કેસ આવવા સ્પસ્ટ સંકેત છે હવે આગામી દિવસોમાં લોકડાઉન જેવા કડક પ્રતિબંધો આવી શકે છે. 

મુંબઈ પોલીસ દ્વારા કોરોનાને લઈને નવી ગાઈડલાઈન બહાર પડાઈ  

હાલના દિવસોમાં મહારાષ્ટ્રમાં કોરોના વાયરસના સંક્રમણનો ગ્રાફ ફરી ઊંચો જઈ રહ્યો છે. મુંબઈની સ્થિતિ પણ ચિંતાજનક છે. આવી સ્થિતિમાં, વધતા કોરોના સંક્રમણને ધ્યાનમાં રાખીને, મુંબઈ પોલીસે શુક્રવારે લોકો માટે વિશેષ માર્ગદર્શિકા જાહેર કરી છે. આ અંતર્ગત નવા વર્ષ પહેલા મુંબઈમાં કલમ 144 15 જાન્યુઆરી સુધી લંબાવવામાં આવી છે. તેમજ સાંજના 5 વાગ્યાથી સવારના 5 વાગ્યા સુધી દરિયાકિનારા, ખુલ્લા મેદાનો, દરિયા કિનારાના વિસ્તારો, બગીચાઓ, ઉદ્યાનો અને અન્ય જાહેર સ્થળોએ લોકોની અવરજવર પર પ્રતિબંધ રહેશે.આ નિયમ દરરોજ લાગુ થશે.