બરેલીને આખરે 54 વર્ષમાં ફિલ્મ અભિનેત્રી સાધનાના એ ઝુમકા મળી ગયા, જે બરેલીના બજારમાં ખોવાઈ ગયા હતા. 1966માં રાજ ખોસલા દિગ્દર્શિત ફિલ્મ 'મેરા સાયા' નું ગીત 'ઝુમકા ગિરા રે' લોકોમાં ખૂબ જ લોકપ્રિય હતું. હવે બરેલીમાં ત્રણ રસ્તા પર એક પોલ પર ઝુમકા લટકાવ્યા છે, જેનું નામ ઝુમકા ત્રણ રસ્તા આપવામાં આવ્યું છે. જે લોકોને ખૂબ આકર્ષિત કરી રહ્યાં છે.
ફિલ્મ 'મેરા સાયા' નું ગીત 'ઝુમકા ગિરા રે'ના ઝુમકા મળી ગયા
54 વર્ષ પહેલાં ખોલાયેલા ઝુમકા અહીં મળ્યાં
લોકોને આકર્ષિત કરી રહ્યાં છે ઝુમકા
બજારમાં ખોવાયેલા ઝુમકા ત્રણ રસ્તે મળ્યાં
ઉત્તર પ્રદેશના બરેલી જિલ્લામાં એનએચ 24નો ઝીરો પોઇન્ટ હવે લોકોને તેની તરફ આકર્ષિત કરી રહ્યો છે. જેની પાછળનું કારણ અહીં બનાવવામાં આવેલ ઝુમકા ત્રણ રસ્તા છે. આ ત્રણ રસ્તા પરથી પસાર થતા લોકો આ ઝુમકાની તસવીર લેતા પોતાને રોકી શકતા નથી. ઘણાં લોકો અહીં ઝુમકા સાથે સેલ્ફી લેતા જોવા મળે છે.
સિલ્વર જુબલી પર શરૂ કર્યું હતું બાંધકામ
ફિલ્મ 'મેરા સાયા'ની સિલ્વર જુબલી પર આ વિશેષ ઝુમકાનું નિર્માણ શરૂ કરાયું હતું. એવું કહેવામાં આવે છે કે, બીડીએ પાસે આ ઝુમકા બનાવવા માટે પૂરતા પૈસા નહોતા, તો બરેલીના સિનિયર ડોક્ટર ડો. કેશવ મદદ માટે હાથ આગળ વધાર્યો. ત્યારબાદ શનિવારે આ ત્રણ રસ્તાનું ઉદ્ઘાટન કરવામાં આવ્યું હતું.
હસી-મજાકમાં મિત્રો પૂછતા ઝુમકા મળ્યા કે નહીં
બરેલી રેન્જના ડીઆઈજી રાજેશ પાંડે કહે છે, 'મારી બરેલીમાં પોસ્ટિંગ સાથે મિત્રો અને શુભેચ્છકો હંમેશા હસી-મજાક કરતા અને કહેતા ઝુમકા મળી ગયા કે નહીં. આજે બરેલીના ઝુમકા મળી ગયા. લખનઉ-દિલ્હી હાઈવે પર બરેલી શહેરના પ્રવેશદ્વાર પર પારસાખેડા ચાર રસ્તા પર આજે ઝુમકાની સ્થાપના કરવામાં આવી અને તેનું નામ ઝુમકા ત્રણ રસ્તા રાખવામાં આવ્યું છે.
ઝુમકા ગિરા રે...વધુ પ્રસિદ્ધ થયું બરેલી
બોલિવૂડ એક્ટ્રેસ સાધનાએ 'ઝુમકા ગિરા રે, બરેલી કે બાજાર મેં' ગીત એટલું સારી રીતે નિભાવ્યું હતું કે, લોકોમાં તે લોકપ્રિય થઈ ગયું. હવે બરેલી અને ઝુમકા એક બીજાની ઓળખ બની ગયા છે. તમને જણાવી દઇએ કે, ફિલ્મ 'મેરા સાયા'માં સુનિલ દત્ત અને સાધનાએ મુખ્ય ભૂમિકામાં જોવા મળ્યા હતા. આ ગીત આશા ભોંસલેએ ગાયું હતું.