મોદી સરકારની બીજા કાર્યકાળની પહેલા મંત્રિમંડળ વિસ્તારની અંતિમ તૈયારી પુરી થઈ ગઈ છે.
વર્તમાનમાં કેન્દ્રીય મંત્રિમંડળમાં 53 મંત્રી છે
સંવિધાન મુજબ મહત્તમ 81 મંત્રી બનાવી શકાય
યુપી સહિત તમામ રાજ્યોની ચૂંટણી પર નજર
આ લોકોના નામની ચર્ચા
આસામાના પૂર્વ મુખ્યમંત્રી સર્વાનંદ સોનેવાલને શનિવારે દિલ્હી બોલાવાયા હતા. જ્યારે જ્યોતિરાદિત્ય સિંધિયાને પણ રાજધાનીમાં રહેવાનું કહેવામાં આવ્યું છે.
સંવિધાન મુજબ મહત્તમ 81 મંત્રી બનાવી શકાય
સૂત્રોનું કહેવું છે કે મંત્રીમંડળ વિસ્તારમાં વ્યાપક ફેરફાર થશે. વર્તમાનમાં કેન્દ્રીય મંત્રિમંડળમાં 53 મંત્રી છે. સંવિધાન મુજબ મહત્તમ 81 મંત્રી બનાવી શકાય છે. આ હિસાબે મંત્રીમંડળમાં વધુ 28 લોકોને સમાયોજિત કરી શકાય છે. વિસ્તારમાં એનડીએના સહયોગી દળોમાંથી પોતાના દળ અને અન્નાદ્રમુકને પણ જગ્યા મળી શકે છે. પરંતુ જદયૂને લઈને સ્થિતિ સ્પષ્ટ નથી.
જદયૂને 3 પદોનો નવો પ્રસ્તાવ, નીતિશે નથી ખોલ્યા પત્તા
અટકળોની વચ્ચે હજું એ સ્પષ્ટ નથી કે બિહારમાં મુખ્યમંત્રી નીતિશ કુમારની જેડીયુમાંથી કોઈને કેન્દ્રીય મંત્રી મંડળમાં જગ્યા મળશે કે નહીં. સહયોગી દળને કેબિનેટમાં સામેલ કરવા માટે 2 કેબિનેટ અને 1 રાજ્ય મંત્રીનો પ્રસ્તાવ મોકલવામાં આવ્યો છે. નીતિશ કુમાર મંત્રીમંડળમાં 5 પદ માંગી રહ્યા છે. નીતિશ કુમારે પ્રસ્તાવને લઈને પોતાના પત્તા નથી ખોલ્યા. સૂત્રોનું કહેવું છે કે નીતિશ ઓછામાં ઓછા 2 મંત્રાલયોની આશા રાખી રહ્યા છે. મનાઈ રહ્યું છે કે તેમની પાર્ટીથી લલ્લન સિંહ, રામનાથ ઠાકુર અને સંતોષ કુશવાહા આ દોડમાં સામેલ છે. આખો મજધાર નીતિશના વલણ પર છે.
યુપી સહિત તમામ રાજ્યોની ચૂંટણી પર નજર
આ ઉપરાંત ઉત્તર પ્રદેશ સહિત 5 રાજ્યોમાં વિધાનસભાની ચૂંટણી થવાની છે. ચર્ચા છે કે આ વિસ્તારમાં યુપીના બ્રાહ્મણ મતદારોને ધ્યાન પર લેવાશે. તેવામાં રીતા બહુગુણા જોશી, વરુણ ગાંધી, રમાપતિ રામ ત્રિપાઠી માંથી કોઈ બેને મંત્રીમંડળમાં સ્થાન મળવાની ચર્ચા છે. આ ઉપરાંત દલિત વર્ગને સંદેશો આપવા રામશંકર કઠેરિયા અને મુશ્લિમ મતદારોના લાભ ઉઠાવવા માટે જફર ઈસ્લામના નામની શક્યતા છે.
હાલમાં 9 મંત્રીઓની પાસે એક કરતા વધારે વિભાગ
સૂત્રોનું કહેવું છે કે આ વિસ્તારમાં અનેક મંત્રીઓને હટાવવામાં આવશે. હાલમાં 9 મંત્રીઓની પાસે એક કરતા વધારે વિભાગ છે. જેમાં પ્રકાશ જાવડેકર, પીયૂષ ગોયલ, ધર્મેન્દ્ર પ્રધાન, નિતિન ગડકરી, ડોક્ટર હર્ષવર્ધન, નરેન્દ્ર સિંહ તોમર, રવિશંકર પ્રસાદ, સ્મૃતિ ઈરાની અને હરદીપ સિંહ પુરી સામેલ છે.