IPL ફાઈનલ મેચને લઈ સૌથી મહત્વના સમાચાર, અમદાવાદમાં ભારે વરસાદ કારણે આજે નહી રમાય ફાઈનલ મેચ, આવતીકાલે 29 મેના રોજ ખેલાશે
ઇન્ડિયન પ્રીમિયર લીગની ફાઈનલ મેચ આવતીકાલે રમાશે
વરસાદના કારણે આજની ફાઈનલ મેચ રદ્દ
દર્શકોને ટિકિટ સાચવી રાખવા અપીલ કરાઈ
ઇન્ડિયન પ્રીમિયર લીગ 2023ની ફાઇનલ મેચ આજે ગુજરાત ટાઇટન્સ અને ચેન્નાઇ સુપર કિંગ્સ વચ્ચે અમદાવાદના નરેન્દ્ર મોદી સ્ટેડિયમ ખાતે રમાવાની હતી, પરંતુ સતત વરસાદના કારણે આ મેચ આજે નહી રમાય, આઈપીએલની ફાઈનલ મેચમાં વરસાદ વિલન બન્યો છે. અમદાવાદમાં ભારે વરસાદ કારણે આ મેચ આજે નહી રમાય તેવું સત્તાવાર રીતે જણાવવામાં આવ્યું છે, આ ફાઈનલ મેચ હવે આવતીકાલે 29 મે રમાશે.
ફાઇનલ મેચનો મહામૂકાબલો આવતીકાલે
એક બાજુ IPL 2023ના ફાઇનલ મેચનો મહામૂકાબલો શરૂ થયાની તૈયારી જ હતી કે ત્યાં અમદાવાદમા વરસાદ વેરી બન્યો હતો. કડાકા અને ભડાકા સાથે વરસાદે સતત બેટિંગ કર્યું હતું. IPL રસિયા મેચ જોવા માટે માંડ માંડ નમો સ્ટેડિયમમાં પહોંચ્યાં કે, ત્યાં તો મેઘરાજાએ જોરદાર બેટિંગ શરૂ કરી દીધી હતી જેના કારણે આજની મેચ કેન્સલ કરવી પડી હતી જે હવે આવતીકાલે રમાશે. દર્શકોએ વરસાદને લઈ છતનો સહારો લીધો હતો અને પોતાની બેઠક વ્યવસ્થા છોડી તેઓ છત અને સ્ટેડિયમની સિડીએ જોવા મળ્યા હતા.
The #Final of the #TATAIPL 2023 has been moved to the reserve day on 29th May - 7:30 PM IST at the Narendra Modi Stadium, Ahmedabad.
Physical tickets for today will be valid tomorrow. We request you to keep the tickets safe & intact. #CSKvGTpic.twitter.com/d3DrPVrIVD
ચાહકોમાં નિરાશાનો માહોલ
અમદાવાદમાં એક કલાકમાં અંદાજીત દોઢ ઈંચ જેટલો વરસાદ પડ્યો હતો. કરા સાથે વરસાદી આફત એવી વરસી કે, જાણે ચોમાસું જામ્યું હોય. અમદાવાદના રસ્તાઓ પર ગોઠણસમા પાણી વહેતા થયાં હતાં. જોકે તોફાની પવન સાથે ખાબકેલા વરસાદે અમદાવાદીઓને ગરમીમાંથી આંશિક રાહત તો આપી છે. પરંતુ બીજી તરફ ક્રિકેટ પ્રેમીઓની આશા પર પાણી ફેરવી દીધું છે. કારણ કે, નરેન્દ્ર મોદી સ્ટેડિયમમાં યોજાનાર આઈપીએલની ફાઈનલ મેચ કેન્સલ થઈ છે. જેને લઈને ચાહકોમાં નિરાશાનો માહોલ છવાયો છે.
દર્શકોને ટિકિટ સાચવી રાખવા અપીલ
IPL 2023નો ફાઈનલ મુકાબલો આજે કેન્સલ કરવામાં આવ્યો છે અને આવતીકાલે 29 મેના રોજ આ મેચ ખેલાશે જ્યારે દર્શકોને ટિકિટ સાચવી રાખવા અપીલ કરાઇ છે.ક્રિકેટ પ્રેમીઓની આશા પર પાણી ફેરવી દીધું છે અને તેઓ નિરાશા સાથે સ્ટેડિમમાંથી પરત ફરી રહ્યાં છે