પ્રેમપ્રકરણ / ફિલ્મ વીરઝારાની જેમ પોતાની પાકિસ્તાની પ્રેમિકાને મળવા નીકળેલ યુવાન સરહદે ઝડપાયો

• ક્ચ્છ થઈ પાકિસ્તાન જતો યુવક ઝડપાયો
• યુવક પાકિસ્તાનની એક કથિત યુવતીમાં સંપર્કમાં આવ્યો હતો
• પોતાની પ્રેમિકાને મળવા જતો યુવક બોર્ડર નજીક ઝડપાયો

ક્ચ્છ થઈ પાકિસ્તાન જતો મહારાષ્ટ્રનો યુવક ઝડપાયો છે. મહારાષ્ટ્રનો યુવક પાકિસ્તાની યુવતીને મળવા કચ્છ બોર્ડરથી પાકિસ્તાન જઇ રહ્યો હતો. યુવક સોશિયલ મીડિયા દ્વારા પાકિસ્તાની યુવતીના સંપર્કમાં આવ્યો હતો. પરંતુ લોકડાઉન હોવાના કારણે યુવક પાકિસ્તાન જઇ શકતો ન હતો. ત્યારે બાદમાં અનલોક આવતા યુવકે પ્રમિકાને મળવાનું નક્કી કર્યું. અને પ્રેમિકાને મળવા માટે મહારાષ્ટ્રથી યુવક બાઇક લઇને નીકળ્યો. જોકે તેને કચ્છની સરહદેથી BSFએ ઝડપી લીધો હતો. તે 2 કલાકથી વધુ સમયથી રણમાં બેહોશ હાલમાં પડ્યો હતો.

કોણ છે યુવાન?

BSFએ તેની પૂછપરછ કરતા તે મહારાષ્ટ્રના ઉસ્માનાબાદના ખ્વાજા નગરમાં રહેવાસી હોવાનું જાણવા મળ્યું હતું. તે ઇજનેરની પદવી ધરાવે છે. આ ઉપરાંત તેનું નામ સિદ્દકી જીસાન મોહમ્મદ સલીમુદ્દીન સિદ્દકી હોવાનું જણાવ્યું હતું. સોશિયલ મીડિયાના માધ્યમથી મળેલી યુવતી સાથે પ્રેમ થઈ જતા તેને મળવા પાકિસ્તાન જવું હતું.

બાઈક બગડતા પગપાળા નીકળ્યો

કચ્છના રણમાં યુવકનું બાઇક બગડતા યુવક કચ્છના રણમાં બાઇક મુકી અને યુવક પાકિસ્તાન જવા રવાના થયો હતો. ત્યારે યુવકની બાઇક મળતા સ્થાનિક પોલીસે યુવકની તપાસ હાથધરી અને બાદમાં બોર્ડર પાસેથી BSFના જવાનોએ યુવકને ઝડપી પાડ્યો છે.