મનોરંજન / શું તમે જાણો છો ફિલ્મી સ્ટાર્સ અને તેમના સાઇડ બિઝનેસ વિશે

અજય દેવગણ
ઇન્ડસ્ટ્રીના ડેશિંગ અને પ્રતિભાસંપન્ન અભિનેતા અજય દેવગણે વિવિધ વ્યવસાયમાં પોતાના પૈસા ઇન્વેસ્ટ કર્યા છે. તે ગુજરાતમાં ચરણક સોલર પ્રોજેક્ટમાં પણ રોકાણકાર છે. રોહા ગ્રૂપ સાથે મળીને તેણે આ કરોડોના પ્રોજેક્ટમાં પૈસા લગાવ્યા છે. આ ઉપરાંત અજયનું પોતાનું પ્રોડક્શન હાઉસ પણ છે, જેમાં તે ઘણી ફિલ્મોનું નિર્માણ કરી ચૂક્યો છે, તેનો પોતાનો એક વીએફએક્સ સ્ટુડિયો પણ છે. 

શિલ્પા શેટ્ટી
ફિલ્મો ઉપરાંત બોલ્ડ એન્ડ બ્યુટીફૂલ શિલ્પા શેટ્ટી ઘણાં અન્ય ક્ષેત્રમાં પણ કાર્યરત છે. શિલ્પાએ પોતાની એક પ્રોડક્શન કંપની પણ સ્થાપી હતી. તે આયોસિસ નામનું સલૂન અને સ્પાની ચેઇન પણ ચલાવી રહી છે. તેણે ર૦૧પમાં પોતાની પહેલી યોગા ડીવીડી પણ રજૂ કરી હતી. 

સુનીલ શેટ્ટી
સુનીલ શેટ્ટીએ ફિટનેસના ક્ષેત્રમાં પણ પગ મૂક્યો અને સમગ્ર ભારતમાં ઘણાં ‌િજમ પણ ખોલ્યાં. તેની પોતાની પ્રોડક્શન કંપની પણ છે, જેનું નામ છે-પોપકોર્ન એન્ટરટેઇનમેન્ટ. સમગ્ર મુંબઇમાં તેનાં મિસચીફ નામનાં બુટીક પણ છે. તે ઘણી જગ્યાએ રેસ્ટોરાં પણ ચલાવે છે. તેની કંપની રિયલ એસ્ટેટમાં પણ સક્રિય છે. હકીમ આલિમના સલૂનમાં તેનો પ૦ ટકા ભાગ પણ છે. 

ટ્વિન્કલ ખન્ના
અક્ષયકુમારની પત્ની ટ્વિન્કલ ખન્ના માતા સાથે મળીને મીણબત્તીનો બિઝનેસ કરે છે. તેઓ મીણબત્તી એક્સપોર્ટનું કામ પણ કરે છે. ટ્વિન્કલ ઇ‌િન્ટરિયર ડિઝાઇનર પણ છે. આ ઉપરાંત તે રાઇટર પણ છે. તે ઘણાં ન્યૂઝપેપર્સમાં કોલમ પણ લખે છે અને તેણે ‘મિસિસ ફની બોન’ નામની નોવેલ પણ લખી છે. તે ગ્રેઝિંગ ગોટ પિક્ચર્સ કંપનીની સહમાલિક પણ છે.
  

શાહરુખખાન
શાહરુખ પ્રોડક્શન કંપની રેડ ચિલીઝ એન્ટરટેઇનમેન્ટ અને તેની સહાયક કંપનીઓનો કો-ચેરમેન છે. તેની આ પ્રોડક્શન કંપની ફિલ્મોનું નિર્માણ તો કરે છે, સાથે-સાથે વિવિધ પ્રકારની વીએફએક્સ અને એનિમેશન સેવાઓ પણ દર્શકોને ઉપલબ્ધ કરાવે છે. આ ઉપરાંત શાહરુખ આઇપીએલની ટીમ કોલકત્તા નાઇટ રાઇડર્સનો સહમાલિક પણ છે.