સૂર્યવંશીનું ટ્રેલર: રોહિત શેટ્ટી દિગ્દર્શિત સૂર્યવંશીનું ટ્રેલર રિલીઝ થયું છે. આ 4 મિનિટ 15 સેકંડના ટ્રેલરમાં તમે જબરદસ્ત એક્શન અને ડ્રામા જોઇ શકો છો. તેનીજ સાથે ટ્રેલરની રાહ જોતા ફેન્સની રાહ હતી તે હવે પૂરી થઈ. અક્ષય કુમારની આ એક્શનથી ભરેલી ફિલ્મમાં આ વખતે સિંઘમ અને સિમ્બાનો ટડકો જોવા મળશે. આ સાથે જ ફરી એકવાર પડદા પર કેટરીના સાથે અક્ષયની કેમિસ્ટ્રી જોવા મળશે.
જબરદસ્ત એક્શનથી ભરપૂર સૂર્યવંશી ફિલ્મનું ટ્રેલર થયું લોન્ચ
ફિલ્મમાં અજય દેવગણ અને રણવીર સિંહ પણ દેખાશે
સૂર્યવંશી રોહિત શેટ્ટી કોપ સિરીઝની ચોથી ફિલ્મ
આવી છે ફિલ્મની સ્ટોરી
ટ્રેલરમાં સૂર્યવંશીની સ્ટોરીની ઝલક બતાવવામાં આવી છે. ટ્રેલરમાં અક્ષય કુમાર એક એન્ટી ટેરરિઝમ સ્ક્વોડ કોપ છે. જે દેશ માટે કઈ પણ કરી શકે છે. તેના પરિવારમાં તેની પત્ની કેટરિના કૈફ અને તેમને એક સંતાન છે. તેઓને એક અજાણ્યા હુમલાની જાણ મળે છે. પરંતુ આ દરમિયાન, વીર(અક્ષય કુમાર) પોતાનું બાળક ગુમાવી બેસે છે. ટ્રેલરના અંતમાં રણવીર સિંહની એન્ટ્રી છે. પરંતુ આ આશ્ચર્યજનક નથી. તેમની એન્ટ્રી બાદ, સિંઘમ એટલે કે અજય દેવગણની પણ ધમાકેદાર એન્ટ્રી થાય છે.
તરણ આદર્શની સૂર્યવંશી ફિલ્મના ટ્રેલરનો રિવ્યુ
તાજેતરમાં, વેપાર વિશ્લેષક તરણ આદર્શે ટ્રેલર લોંચની તારીખ જણાવતાં રીવ્યુ આપ્યુ. તેણે પોસ્ટ કરીને લખ્યું- 'સૂર્યવંશીનું ટ્રેલર જોયું. અદ્ભુત. રોહિત શેટ્ટી નિ:શંકા મનોરંજનનો સમ્રાટ છે. અક્ષયને એક્શન મોડમાં જોતાં આનંદ થયો. બોક્સ ઓફિસની સુનામી માટે તૈયાર થઇ જાઓ. તે મોટી જીતનું વચન આપે છે. 2 માર્ચ 2020ના રોજ, ફિલ્મનું ટ્રેલર એક કાર્યક્રમમાં આવશે. ટ્રેલર લોંચ પર સિમ્બા, સિંઘમ અને સૂર્યવંશી હશે.
રોહિતની કોપ સિરીઝની આ ચોથી ફિલ્મ
જણાવી દઈએ કે, સૂર્યવંશી રોહિત શેટ્ટીની કોપ સિરીઝની ચોથી ફિલ્મ હશે. આ પહેલા તે સિંઘમ, સિંઘમ 2 અને સિમ્બા બનાવી ચૂક્યો છે. સિંઘમ અને સિંઘમ 2માં રોહિત શેટ્ટીએ અજય દેવગણ સાથે અને સિમ્બામાં રણવીર સિંહ સાથે કામ કર્યું છે. ત્રણેય ફિલ્મોને સારી રીતે પસંદ કરવામાં આવી છે. હવે સૂર્યવંશીમાં રોહિત શેટ્ટી ફરી એકવાર આ જ અદ્ભુત એક્શન બતાવવા માટે તૈયાર છે. ચર્ચા છે કે ત્રણેય સ્ટાર્સ સૂર્યવંશીમાં સાથે જોવા મળશે.