સંજૂ ફિલ્મના આસિસ્ટન્ટ ડાયરેકટર રાજકુમાર હિરાણી પર એક ફિમેલ ડાયરેક્ટરે યૌનશોષણનો આરોપ લગાવ્યો છે. આરોપ લગાવનાર મહિલા બીજુ કોઇ નહીં પરંતુ સંજૂ ફિલ્મની આસિસ્ટન્ટ ડાયરેકટર છે. મહિલાનું કહેવું છે કે હિરાણીએ 6 મહિનાની વચ્ચે તેની સાથે અનેક વાર યૌનશોષણ કર્યું છે.
તો આ મામલે રાજકુમાર હિરાણીએ તેના વકીલ આનંદ દેસાઇના મારફતે મહિલાના તમામ આરોપોનું ખંડન કર્યું છે. દેસાઇએ હર્ફિગટન પોસ્ટને કહ્યું કે અમારા ક્લાઇન્ટ પર લાગેલા તમામ આરોપ ખોટા છે. તેમના ઉદ્દેશ તેમની ઇમેજ ખરાબ કરવાનો છે. તો હિરાણીએ મહિલા સાથેની વાતચીતના સ્ક્રીનશોર્ટ પણ શેર કર્યા છે.