ગજબ / ફિલ્મ RRRમાં ટાઈગર સાથેનો ખતરનાક સીન આ રીતે કરવામાં આવ્યો હતો શૂટ, જુઓ મેકિંગ VIDEO

• દર્શકોને ખૂબ પસંદ આવી હતી ટાઈગર સાથેની ફાઈટ 
• આ રીતે શૂટ કરવામાં આવ્યો હતો આ ખતરનાક સીન 
• RRRમાંથી મેકિંગ વીડિયો વાયરલ 

આ વર્ષે જ્યારથી ડિરેક્ટર રાજામૌલીની ફિલ્મ RRR રિલીઝ થઈ છે ત્યારથી તેની ચર્ચાઓ થઈ રહી છે. ફિલ્મે થિયેટરોમાં ઘણી કમાણી કરી. સાથે જ તે OTT પર પણ ખૂબ પસંદ કરવામાં આવી રહી છે. ગયા સપ્તાહ સુધી, RRR નેટફ્લિક્સ હિન્દીમાં ઇન્ટરનેશનલ ટોપ 10 મૂવીઝમાં રહી હતી. 

RRR વિશે સતત નવી વસ્તુઓ સામે આવી રહી છે. હકીકતમાં ફિલ્મ તેની વાર્તા, કલાકારોના અભિનય તેમજ VFX માટે આકર્ષણનું કેન્દ્ર બની છે. તેના VFXની વિશ્વભરમાં પ્રશંસા થઈ રહી છે. લોકો તેના વીએફએક્સના જાદુથી બંધાયેલા છે.

વાઘનો સ્ટંટ જોઈ લોકો રહી ગયા હતા દંગ 
આમ તો ફિલ્મના તમામ અદ્ભુત દ્રશ્યોની વાત કરવામાં આવી રહી છે. પરંતુ એક સીન જેને લોકો ભૂલી શક્યા નથી તે છે ફિલ્મના લીડ એક્ટર જુનિયર એનટીઆર અને જંગલમાં વાઘ વચ્ચેની ટક્કર. એક દ્રશ્યમાં જુનિયર એનટીઆર જે કોમારામ ભીમ બન્યો છે. તે જંગલમાં છે અને પછી વાઘ તેની પાછળ આવે છે. તે આગળ અને વાઘ પાછળ. 

આ પછી ભીમ તેના સાથીઓની મદદથી આ વાઘને જાળમાં ફસાવે છે. પરંતુ તે શક્તિશાળી પ્રાણીને કાબૂમાં રાખવું સરળ નથી. ફિલ્મમાં આ સીન ઘણો લાંબો અને શ્વાસ અધ્ધર કરી દે તોવો છે. ફિલ્મ જોનાર દરેક વ્યક્તિના મનમાં સવાલ ઉઠે છે કે શું આ સીન રીયલ વાઘ સાથે શૂટ કરવામાં આવ્યો છે. આ વાઘ એકદમ સજીવ લાગે છે. પરંતુ આ વાઘ કમ્પ્યુટર ગ્રાફિક્સનો ચમત્કાર છે. પરંતુ હજુ પણ સવાલ એ છે કે આ સીન કેવી રીતે શૂટ કરવામાં આવ્યો?

જુઓ આ વીડિયો 

RRR - Making of Tiger Attacking Bheem

Vfx done by @MPCVFX@ssrajamouli @tarak9999 @AlwaysRamCharan @mmkeeravaani @DOPSenthilKumar @sabucyril #KingSolmon @sreekar_prasad @RRRMovie https://t.co/YFHCgeaOGa pic.twitter.com/tKdqz1w7r5

— Srinivas Mohan (@srinivas_mohan) August 26, 2022

મેકર્સે રિલીઝ કર્યો મેકિંગ વીડિયો 
ફિલ્મ રિલીઝ થયાના લગભગ પાંચ મહિના પછી હવે RRRના વિઝ્યુઅલ ઇફેક્ટ સુપરવાઇઝર શ્રીનિવાસ મોહને ગયા અઠવાડિયે તેમના ટ્વિટર એકાઉન્ટ પર એક વીડિયો રિલીઝ કર્યો હતો. જેના પરથી તમે સમજી શકો છો કે ટાઇગર સાથે જુનિયર એનટીઆરનો આ સીન કેવી રીતે શૂટ કરવામાં આવ્યો હતો. 

આ વીડિયો વાયરલ થઈ રહ્યો છે અને ઘણા લોકો તેને જોઈ રહ્યા છે. વીડિયોમાં જોવા મળી રહ્યું છે કે કેવી રીતે ડાયરેક્ટર રાજામૌલીએ જુનિયર એનટીઆર સાથે ઇન્ડોર સ્ટુડિયોમાં વાઘ વિના આ દ્રશ્ય શૂટ કર્યો છે. વીડિયોમાં જણાવવામાં આવ્યું છે કે રાજામૌલી તેમની ટીમને સૂચના આપી રહ્યા છે કે કેવી રીતે વાઘને જંગલમાં સંઘર્ષ કરતા અને જાળમાં ફસાયા પછી સ્ટ્રગલ કરતા દર્શાવવામાં આવશે. એક મિનિટ નવ સેકન્ડના આ વીડિયોને લોકો પણ ખૂબ જ રસથી જોઈ રહ્યા છે.