સલમાન ખાનની ફિલ્મ 'કભી ઈદ કભી દિવાલી'ની પહેલી સ્ટારકાસ્ટને પણ બદલી દેવામાં આવી છે. સલમાન ફિલ્મના બીજા શિડ્યુલ માટે હૈદરાબાદ રવાના થઈ ચુક્યો છે.
બદલાઈ જશે ફિલ્મ 'કભી ઈદ કભી દિવાલી'નું નામ
સલમાન ખાન નામને લઈને કરી રહ્યો છે વિચારણા
જાણો શું હશે ફિલ્મનું નામ
બોલિવુડ સ્ટાર અભિનેતા સલમાન ખાનની ફિલ્મ 'કભી ઈદ કભી દીવાલી' સતત ચર્ચામાં બનેલી છે. ક્યારેક આ ફિલ્મની સ્ટારકાસ્ટને બદલી દેવામાં આવે છે. તો ક્યારેક ફિલ્મના ટાઈટલ પર સવાલ ઉભા થવા લાગે છે. આ વખતે પણ કંઈક આમ જ થયું છે. સલમાન ખાનની ફિલ્મ કભી ઈદ કભી દીવાલીના ટાઈટલને મેકર્સે બદલવાનો વિચાર કર્યો છે.
આ ફિલ્મ સલમાન ખાનના હોમ પ્રોડક્શનની છે. જ્યાં દર્શક પણ બોલિવુડના ભાઈજાન એટલે કે સલમાન ખાનની ફિલ્મને જોવા માટે ઉત્સાહીત છે. કારણ કે ફિલ્મના ટાઈટલને બદલવાની વાત ચાલી રહી છે એવામાં નવું ટાઈટલ શું હશે તે પ્રશ્ન છે.
બદલાશે ફિલ્મનું ટાઈટલ
એક રિપોર્ટ અનુસાર સલમાન ખાનની આ મોસ્ટ અવેઈટેડ ફિલ્મ કભી ઈદ કભી દિવાલીનું નામ બદલવાની વાત થઈ રહી છે. સલમાન ખાન કભી ઈદ કભી દિવાલીનું નામ બદલીને એક વખત ફરી તેના ઓરિજિનલ ટાઈટલ 'ભાઈજાન'નું નામ આપશે. પરંતુ અમુક મહિના પહેલા જ તેનું નામ કભી ઈદ કભી દિવાલી રાખવામાં આવ્યું હતું.
સૂત્રો અનુસાર જ્યારથી ફિલ્મ મેકિંગ સાજીદ નડિયાદવાલાથી સલમાન ખાનના હાથમાં ગયું છે. ત્યારથી આ ફિલ્મનું નામ બદલવાની પ્લાનિંગ કરવામાં આવી રહી છે.
પહેલા બદલાઈ ચુકી છે સ્ટાર કાસ્ટ
ફિલ્મનું ટાઈટલ બદલાવવા પહેલા તેની સ્ટારકાસ્ટને પણ બદલી દેવામાં આવી છે. જેનાથી આ ફિલ્મ વધુ ચર્ચામાં આવી ગઈ. સલમાન ખાનની ફિલ્મથી બોલિવુડ એક્ટર આયુષ શર્મા અને જહીર ઈકબાલને રિપ્લેસ કરી દેવામાં આવ્યા હતા. તેની સાથે જ સાઉથ ફેમ જગપતિ બાબૂ, પૂજા હેગડે અને દગ્ગુબાતી વેન્કટેશને ફિલ્મનો ભાગ બનાવવામાં આવ્યો. તેની સાથે જ, જસ્સી ગિલ, માલવિકા શર્મા અને રાઘવ જુયલ પણ ફિલ્મનો ભાગ છે.