ફિલ્મ જવાને રિલીઝ પહેલા જ પોતાનો ડંકો વગાડી દીધો છે. મૂવીના ઓટીટી રાઈટ્સ નેટફ્લિક્સને હેવી એમાઉન્ટ ચુકવીને ખરીદીવામાં આવી છે.
આવતા વર્ષે રિલીઝ થશે ફિલ્મ 'જવાન'
શાહરૂખ સાથે જોવા મળશે નયનતારા
એટલી છે જવાનના ડાયરેક્ટર
2023 બોલિવુડના કિંગ ખાન શાહરૂખ ખાનના નામે થવાનું છે. આ વર્ષે તેની મોટી બે મૂવી રિલીઝ થવા જઈ રહી છે. સાઉથ ફિલ્મ મેકર એટલીની ફિલ્મ જવાનમાં કિંગ ખાન જબરદસ્ત અવતારમાં જોવા મળશે. કદાચજ આ પહેલા તેણે આવો કોઈ રોલ કર્યો હોય. મૂવીના ટીઝર રિલીઝ થતાની સાથે જ સનસની મચી ગઈ હતી.
ફિલ્મ 'જવાન'ને લઈને મોટી ખબર
'જવાન'ને લઈને ક્રિએટ થયેલા હાઈપનું જ કારણ છે કે મૂવીના ઓટીટી રાઈટ્સ નેટફ્લિક્સે હેવી એમાઉન્ટ આપીને ખરીદી લીધા છે. મીડિયા રિપોર્ટ્સ અનુસાર, જવાનના મેકર્સે નેટફ્લિક્સને મૂવીના સ્ટ્રીમિંગ રાઈટ્સ આપ્યા છે. પરંતુ શું તમે જાણો છો કે સ્ટ્રીમિંગ રાઈટ્સ કેટલા કરોડમાં વેચાયા છે? રિપોર્ટ્સ અનુસાર મેકર્સે નેટફ્લિક્સને જવાનના રાઈટ્સ 120 કરોડમાં વેચ્યા છે.
શાહરૂખ ખાનનું ધમાકેદાર કમબેક
રિલીઝ પહેલા જ શાહરૂખની ફિલ્મે પોતાનો ડંકો વગાડ્યો છે. આ મૂવી સિનેમાઘરોમાં 2 જૂન 2023એ રિલીઝ થશે. તેને હિન્દી, તમિલ, તેલુગૂ, મલયાલમ અને કન્નડમાં રિલીઝ કરવામાં આવશે. જવાનમાં પહેલી વખત શાહરૂખ ખાન અને નયનતારાની જોડી બની છે.
જવાનની રિલીઝ પહેલા શાહરૂખ ખાન પડદા પર પઠાનથી કમબેક કરશે. પઠાનને સિદ્ધાર્થ આનંદે ડાયરેક્ટ કરી છે. આ મુવીને લઈને પણ ખૂબ બઝ છે. ફિલ્મમાં કિંગ ખાનની સાથે દીપિકા પાદુકોણ અને જોન અબ્રાહમ જોવા મળશે.