ફિલ્મ 'ગુડબાય' થી પુષ્પા ફિલ્મની સ્ટાર રશ્મિકા મંદાના બોલિવૂડમાં ડેબ્યુ કરવા જઈ રહી છે. આ ફિલ્મની સાથે સાથે ગીતોની પણ દર્શકો આતુરતાથી રાહ જોઈ રહ્યા છે.
પુષ્પા ફિલ્મની સ્ટાર રશ્મિકા મંદાના બોલિવૂડમાં ડેબ્યુ કરવા જઈ રહી છે
રશ્મિકા મંદાનાનું 'ધ હિક સોંગ' આજે થશે રિલીઝ
ફિલ્મ ગુડબાય ના ટ્રેલરને સોશિયલ મીડિયા પર સારો પ્રતિસાદ મળ્યો
અમિતાભ બચ્ચન, નીના ગુપ્તા અને રશ્મિકા મંદાનાની ફિલ્મ 'ગુડબાય'(Goodbye) ની રાહ લોકો છેલ્લા ઘણા સમયથી જોઈ રહ્યા છે. આ ફિલ્મ હિંદી સિનેમાના દર્શકોની સાથે સાથે સાઉથના લોકો માટે પણ ખાસ છે. તેની પાછળનું કામ છે ફિલ્મ 'ગુડબાય' થી પુષ્પા ફિલ્મની સ્ટાર રશ્મિકા મંદાના બોલિવૂડમાં ડેબ્યુ કરવા જઈ રહી છે. આ ફિલ્મની સાથે સાથે ગીતોની પણ દર્શકો આતુરતાથી રાહ જોઈ રહ્યા છે.
રશ્મિકા મંદાનાનું 'ધ હિક સોંગ'
એવામાં રશ્મિકા મંદાનાએ તેના ઇન્સ્ટાગ્રામ પર ગઈ કાલે ફિલ્મ 'ગુડબાય' ના બીજુ ટ્રેક 'ધ હિક સોંગ' નું મોશન પોસ્ટર શેર કર્યું હતું. મોશન પોસ્ટરમાં, 'પુષ્પા' એક્ટ્રેસ બ્લેક ડીપ-નેક વન-પીસ ડ્રેસમાં ગ્રુવ કરતી જોવા મળી હતી અને આજે તેનું આ ગીત રીલીઝ થઇ ગયું છે.
જો કે હાલ જ ફિલ્મનું એક ઈમોશનલ સોંગ જય મહાકાલ બહાર પાડવામાં આવ્યું હતું. આ ગીત ખૂબ જ ઈમોશનલ છે અને આ ફિલ્મની આખી સ્ટાર કાસ્ટ તેમાં જોવા મળી હતી. પણ આજે બહાર પાડવામાં આવેલ રશ્મિકા મંદાનાના ગીત એ સોશ્યલ મીડિયા પર ધૂમ મચાવી છે. લોકોને રશ્મિકાંનો આ અવતાર ખૂબ જ પસંદ આવી રહ્યો છે.
ફેન્સને પસંદ આવ્યું ટ્રેલર
ફિલ્મ ગુડબાય ના ટ્રેલરને સોશિયલ મીડિયા પર સારો પ્રતિસાદ મળી રહ્યો છે. ફિલ્મના ટ્રેલરમાં એક અનોખુ ફેમિલી બોન્ડ બતાવવામાં આવ્યું છે. ટ્રેલરમાં રશ્મિકા મંદાના અને અમિતાભ બચ્ચન વચ્ચેની નોકઝોંક બતાવવામાં આવી છે જે લોકોને પસંદ આવી રહી છે. આ સાથે જ અમિતાભ અને નીના જે સીનમાં સાથે આવ્યા એ દરેક સીન લોકોને અચંબિત કરી ગયા છે. કોમેડિયન સુનીલ ગ્રોવર પણ આ ફિલ્મનો એક ભાગ છે.