ટેક્સ / વેપારીઓ જલદી કરો! આ તારીખ સુધીમાં GST ભરી દો, નહીંતર પેનલ્ટી ભરવા તૈયાર રહો

• GSTનું વાર્ષિક રિટર્ન ફોર્મ ૧૦ ડિસેમ્બરે અપલોડ થશે
•  બે કરોડથી ઓછું ટર્નઓવર ધરાવનારા વેપારીઓએ ૩૧ ડિસેમ્બર સુધી રિટર્ન ભરી દેવું પડશે

 નવું સરળ ફોર્મ ૧૦મી ડિસેમ્બરે જાહેર કરશે

બે કરોડથી ઓછું ટર્ન ઓવર ધરાવનારા વેપારીઓને તેમનું વાર્ષિક રિટર્ન ૩૧ ડિસેમ્બર સુધીમાં ભરી દેવું પડશે. જયારે બે કરોડથી વધુ ટર્નઓવર ધરાવતા વેપારીઓ માટે છેલ્લી તારીખ ૩૧ માર્ચ નિયત કરવામાં આવી છે. જેનું ફોર્મ અટપટું હોવાના કારણે વેપારીઓ ટેક્સ કન્સલ્ટન્ટ અને સી એ દ્વારા ફોર્મને સરળ બનાવવા માટે અનેક રજૂઆતો કરવામાં આવી હતી. જેના કારણે જીએસટી વિભાગ હવે નવું સરળ ફોર્મ ૧૦મી ડિસેમ્બરે જાહેર કરશે.

તમામ આઇટીસીની વિગતો એકમાં જ ભરવાની રહેશે

માહિતી મુજબ નવા ફોર્મમાં વેપારીઓએ ખરીદ અને વેચાણની વિગતો આપવાની સાથે પહેલા અલગથી આઇટીસીની વિગતો ભરવાની હતી. તે હવે નહીં રહે હવે તમામ આઇટીસીની વિગતો એકમાં જ ભરવાની રહેશે.