દેશભરમાં મહામારીની વચ્ચે ઈન્કમ ટેક્સ વિભાગે રિટર્ન ફાઈલ કરવાની તારીખને વધારીને 31 ડિસેમ્બર 2020 કરી છે. જો તમે આ સમય સુધીમાં તમારું ITR ફાઈલ નથી કરતા તો તમારે 10 હજાર રૂપિયાનો દંડ ભરવો પડી શકે છે.જો કે 5 લાખથી ઓછી ઈન્કમ વાળાને 1 હજાર રૂપિયાની લેટ ફી ભરવાની રહેશે.
ઈન્કમટેક્સ વિભાગનો મોટો નિર્ણય
31 ડિસેમ્બર સુધીમાં ફાઈલ કરવાનું રહેશે ITR
સમયસર ન ભરવા પર થશે 10 હજાર રૂપિયા સુધીનો દંડ
ભરવો પડશે 10 હજાર રૂપિયા સુધીનો દંડ
જો તમે સમયસર રિટર્ન ફાઈલ કરતા નથી તો ઈન્કમ ટેક્સ વિભાગની તરફથી દંડ કરવામાં આવશે. જો ટેક્સ પેયર્સ રિટર્ન 31 ડિસેમ્બર બાદ ફાઈલ કરે છે તો કરદાતાને 10 000 રૂપિયા સુધીની લેટ ફી ભરવી પડી શકે છે. આ સિવાય એવા ટેક્સપેયર્સ જેની આવક 5 લાખ રૂપિયાથી વધારે નથી તેમને લેટ ફીના રૂપમાં 1000 રૂપિયા ભરવા પડી શકે છે.
આ રીતે પણ ફાઈલ કરી શકાશે તમારું ITR
દરેક ટેક્સપેયર્સે ITR ફાઈલ કરવું જરૂરી છે. ઓનલાઈન કે ઓફલાઈનની મદદથી તમે આ કામ કરી શકો છો. ઓફલાઈન મોડમાં તમે ITR ફોર્મ ભરી શકો છો જ્યારે ઓનલાઈનમાં ફક્ત ફોર્મ -1 અને ફોર્મ 4 જ ભરી શકાય છે. જો ટેક્સપેયર્સ ઈચ્છે તો સોફ્ટવેરની મદદથી પણ ITR જમા કરી શકે છે. જાવા કે એેક્સલ ફોર્મેટમાં એપ્લિકેબલ આઈટીઆર ફોર્મ ડાઉનલોડ કરીને તેને ઓફલાઈન ભરી શકાય છે. ઈ ફાઈલિંગ પોર્ટલ પર લોગઈન કરીને અપલોડ કરી શકાય છે. ઓનલાઈ રિટર્ન ભરતી સમયે ઈ ફાઈલિંગ પોર્ટલ પર લોગઈન કરીને આઈટીઆર તૈયાર કરીને સબમિટ કરો. ઓનલાઈન મોડમાં ફક્ત ફોર્મ 1 અને 4 ભરી શકાશે.
ઓફલાઈન રિટર્ન ફાઈલિંગ માટે છે આ પ્રક્રિયા
ટેક્સપેયર્સ ઓફલાઈન આઈટીઆર ભરવા ઈચ્છે છે તો પહેલાં ઈન્કમ ટેક્સની ઈ ફાઈલિંગ પોર્ટલ www.incometaxindiaefiling.gov.in પર જાઓ. અહીં ઈન્કમ ટેક્સ સોફ્ટવેર પર ક્લિક કરીને મેનૂમાં ડાઉનલોડ પર જાઓ. ફરી તમારું એસેસમેન્ટ પસંદ કરો અને એપ્લિકેબલ આઈટીઆર ડાઉનલોડ કરો. આ પછી ફોર્મ ભરો. ટેક્સપેયર્સ પ્રી ફિલ્ડ એક્સએમએલ પણ ડાઉનલોડ કરી શકે છે. તેમાં અનેક જાણકારી પહેલાંથી ભરેલી હશે. તેને માટે ઈ ફાઈલિંગ પોર્ટલમાં લોગઈન કરીને માય એકાઉન્ટ મેન્યૂમાં ડાઉનલોડ પ્રી ફિલ્ડ એક્સએમએલ પર ક્લિક કરીને ડાઉનલોડ કરવાનું રહેશે.
સોફ્ટવેરથી આઈટીઆર ભરવું છે સૌથી સરળ
ITR ભર્યા પછી છેલ્લો વિકલ્પ સોફ્ટવેરની મદદથી ફાઈલ કરવાનો છે. આ રીતે આઈટીઆર ફાઈલ કરી શકાય છે. તેમાં એકવાર ડેટા ભર્યા પછી ફરી ભરવાની જરૂર રહેતી નથી. સોફ્ટવેર યૂઝર્સને કંપેરિઝન, રિકાંસિલેશન અને એરર રેક્ટિફિકેશનની સુવિધા આપે છે. રિટર્ન ફાઈલ કરતા પહેલાં યૂઝર સોફ્ટવેરની મદદથી પહેલાં ભરેલું ફોર્મ મેળવી શકે છે અને ભૂલ પણ સુધારી શકે છે.