GST / આ તારીખ સુધી GST ભરી દેજો, તમામ પેનલ્ટી થઈ જશે રદ્દ નહિતર મોટો દંડ ભરવો પડશે

આપણે સૌ જાણીએ જ છીએ કે આપણે દર મહિને 2 રિટર્ન ભરવાના હોય છે. GSTR 1 અને GSTR 3B. 

GSTR 1

GSTR 1 માં તમે કેટલું વેચાણ કર્યું છે તેની માહિતી આપવાની હોય છે અને દરેક મહિનાનું GSTR 1 તેના આવતા મહિનાની 10મી તારીખે ભરવાનો હોય છે. આ વેચાણના આંકડા પરથી સરકાર જાણી શકે કે વેપારી તરીકે તમે કેટલો માલ વેચ્યો અને એ માલમાંથી ગ્રાહકો પાસે કેટલા રૂપિયા GST સ્વરૂપે વસુલ્યો. 

GSTR 3B

GSTR 3B માં વેપારી તરીકે તમે માલમાંથી ગ્રાહકો પાસે કેટલા રૂપિયા GST સ્વરૂપે વસુલ્યો તે રકમની બાદબાકી તમે માલને સપ્લાયર પાસેથી ખરીદ્યો એ વખતે ખરીદી સમયે કેટલા રૂપિયાનો GST ચુકવ્યો તે રકમનો જવાબ છે. દરેક મહિનાનું GSTR 3B તેના આવતા મહિનાની 20મી તારીખે ભરવાનો હોય છે.

હવે અત્યાર સુધી GSTR 1 ફાઈલ કરવામાં સમય લાગે તો નિર્ધારિત તારીખ પછી તેની પેનલ્ટી લાગતી હતી. જે દિવસ દીઠ 20 રૂપિયા જેટલી હતી. GSTR 3B ની 50 રૂપિયા પેનલ્ટી આજે પણ લાગે છે.  

GST એક્ટમાં અમેન્ડમેન્ટ

જો કે સરકારે 26 ડિસેમ્બરે જાહેર કરેલા નોટિફિકેશન મુજબ GST એક્ટમાં કરેલા અમેન્ડમેન્ટ હેઠળ હવે જુલાઈ 2017 થી નવેમ્બર 2019 સુધી જો તમે GSTR 1 ફાઈલ નથી કર્યું તો 10 જાન્યુઆરી 2020 સુધી તમે બધી માહિતી ફાઈલ કરશો તો તમારી બધી પેનલ્ટી અને ચાર્જીસ માફ કરી દેવામાં આવશે. 

આ 10 જાન્યુઆરી 2020 સુધી જો તમારી GSTR 1 ફાઈલ બાકી હોય તો તેને કરાવી લો નહિતર તેની દિવસ દીઠ 20 રૂપિયા જેટલી પેનલ્ટી વધીને 50 રૂપિયા જેટલી થઇ જશે અથવા રિટર્ન દીઠ 10000 રૂપિયા સુધીની રકમ ચૂકવવી પડશે જે પહેલા 5000 રૂપિયા સુધી હતા.