અમદાવાદના સરસપુરમાં મારામારી બાદ ફાયરિંગની ઘટના સામે આવતા પોલીસે તપાસ હાથ ધરીને આરોપીને ઝડપી લીધો હતો.
અમદાવાદમાં અંગત અદાવતમાં એક વ્યક્તિ પર ફાયરિંગ
સમગ્ર ઘટના CCTVમાં થઈ કેદ
કોટડા પોલીસે ગુનો નોંધી કરી આરોપીઓની ધરપકડ કરી
અમદાવાદમાં ફાયરીંગની ઘટના હવે સામાન્ય બની હોય તેવું લાગી રહ્યું છે. તાજેતરમાં જ સરસપુરમાં મારામારી કરીને અંગત અદાવતમાં એક વ્યક્તિ પર ફાયરિંગ કરવામાં આવ્યું છે. જોકે ફાયરિંગ અને મારમારીની સમગ્ર ઘટના CCTVમાં કેદ થતાં શહેર કોટડા પોલીસે ગુનો નોંધીને આરોપીઓની ધરપકડ કરી અને તપાસ હાથ ધરી છે.
ફાયરિંગ બાદ આરોપીએ મિત્રને કોલ કરી ગોળી માર્યાની કરી કબૂલાત
આ અંગે જાણવા મળતી વિગત અનુસાર આરોપી સહદેવસિંહ તોમરે અંગત અદાવતમાં દિલીપ સિંહ ચૌહાણ નામના શખ્સ પર એક રાઉન્ડ ફાયરિંગ કર્યું હતું. દિલીપસિંહ અને સહદેવસિંહ વચ્ચે છેલ્લા ઘણા વર્ષોથી અંગત અદાવત ચાલતી હતી જેને લઈને સહદેવસિંહ તોમારે હત્યા કરવાનું ષડયંત્ર રચ્યું હતું અને દિલીપસિંહ ચૌહાણ ઉપર એક રાઉન્ડ ફાયરિંગ કર્યું હતું. એટલું જ નહીં આરોપીને પોલીસનો પણ ડરના હોય તેમ ફાયરિંગ કર્યા બાદ પણ સંતોષ ન થતા પોતાના મિત્ર જયપ્રકાશ સેનને ફોન કરી દિલીપને ગોળી મારી દીધી હોવાનું જણાવ્યું કબૂલ્યું હતું.
આરોપી સહદેવ 15 થી વધુ ગુનામાં પોલીસ ચોપડે ચડયો
આ ઘટનાને લઇને શહેરમા હાહાકાર મચી ગયો હતો.ત્યારબાદ ઇજાગ્રસ્ત દિલીપને સારવાર માટે સિવિલ હોસ્પિટલમાં ખસેડવામાં આવ્યો હતો. ત્યારબાદ આ ઘટનાને લઇને પોલીસ પણ દોડતી થઇ હતી અને પોલીસે ગણતરીના કલાકોમાં ફાયરિંગ કરનાર આરોપીને હથિયાર સાથે ઝડપી લીધો હતો. આ ઉપરાંત પવનસિંહ તોમર, અને ભદ્રેશ પટેલની પણ ગોળી મારીને હત્યા નિપજાવવાની ધમકી આપી હતી. પરંતુ બીજી હત્યાને અજામ આપે તે પહેલાં પોલીસે આરોપી સહદેવસિંહ તોમરની ધરપકડ કરી હતી.પકડેલા આરોપી સહદેવ 15 થી વધુ ગુનામાં પોલીસ ચોપડે ચડયો છે એન આરોપી હત્યા કરવા માટે હથિયાર લાવ્યો હતો. જેથી આ હથિયાર ક્યાંથી લાવ્યો હતો. અને હત્યા શા માટે કરવા માંગતો હતો. તેં તમામ મુદ્દે પોલીસે પૂછપરછ શરૂ કરી છે.