પંચમહાલમાં નગરપાલિકાના કારોબારી અધ્યક્ષ અને એકાઉન્ટન્ટ વચ્ચે મારામારીની ઘટના સામે આવી છે.
પંચમહાલમાં કાલોલ નપામાં છુટ્ટા હાથની મારામારી
વિકાસ કામના બીલ પાસ કરવા અંગે થઈ બબાલ
એકાઉન્ટન્ટ સતિષને મોઢા અને માથાના ભાગે ઇજા
પંચમહાલમાં કાલોલ નગરપાલિકામાં છુટ્ટા હાથની મારામારીની ઘટના સામે આવી છે, કારોબારી અધ્યક્ષ યુવરાજસિંહ અને એકાઉન્ટન્ટ વચ્ચે મામલો બિચક્યો હતો
બીલ પાસ કરવા અંગે થઈ બબાલ
પંચમહાલમાં નગરપાલિકાના કારોબારી અધ્યક્ષ અને એકાઉન્ટન્ટ વચ્ચે મારામારીની ઘટના સામે આવી જેમાં ઉગ્ર બનેલા કારોબારીએ અકાન્ટન્ટ પર રોષ ભરાતા તેના પર હુમલો કરી દીધો હતો જેમાં એકાઉન્ટન્ટ ગંભરી ઈજા થઈ છે કારોબારીના અધ્યક્ષ યુવરાજસિંહે એકાઉન્ટન્ટ સતિષ સાથે છુટ્ટા હાથની મારામારી કરી હતી જેમાં એકાઉન્ટન્ટને મોઢા અને માથાના ભાગે ગંભીર ઈજા પહોંચી હતી. ઘટના બાદ ઈજાગ્રસ્ત સતિષને તાત્કાલિક સારવાર અર્થે ખસેડવામાં આવ્યો પરતું કારોબારી સામે કોઈ ફરિયાદ નોંદાઈ નથી.
ઇજાગ્રસ્ત એકાઉન્ટન્ટે નથી નોંધાવી પોલીસ ફરિયાદ
નગરપાલિકામાં મારામારીની આ ઘટના બાદ સમગ્ર કાલોલમાં કારોબારી અને અકાઉન્ટન્ટ વચ્ચે થયેલી તકરાર એક ચર્ચાનો વિષય બન્યો છે એવું જણાઈ રહ્યું કે નપાના કારાબોરી અધ્યક્ષ બિલ પાસ કરાવવા મુદ્દે બગડ્યા હતા પરતું હજું સુધી કોઈ સ્પષ્ટતા કરવામાં આવી નથી કે બિલ કઈ બાબતનું પાસ કરવા કારોબારી અધ્યક્ષે અકાઉન્ટન્ટ સાથે બબાલ કરી. જો પ્રજાના સેવક જ આવી રીતે મારામારી પર ઉતરી આવશે તો સામાન્ય પ્રજાના કામો કેવી રીતે થશે. શુ આવો સંદેશો આપશે પ્રજાના સેવક જે જનતાના કામો કરવા માટે ચૂંટાઈ આવે છે.
કારોબારી અધ્યક્ષ અને એકાઉન્ટન્ટ વચ્ચે બબાલ
મહત્વનું છે કે કાલોલ નગરપાલિકમાં કારોબારી અધ્યક્ષ યુવરાજસિંહ બિલ પાસ કરાવવા માટે આવ્યા હતા પરતું બિલ પાસ કરવાને લઈ મામલો બિચકાયો હતો એવું પણ મનાઈ રહ્યું છે કે કારોબારી અધ્યક્ષ ખોટા બિલ પાસ કરવા અકાઉન્ટન્ટ પર દબાણ કરવામાં આવતું હોય અને બિલ ન પાસ કરવાને લઈને બંને વચ્ચે બબાલ થઈ હોય, જેને લઈ અનેક ચર્ચાઓએ જોર પકડ્યું છે.