સજા / ડૉક્ટરો પર હુમલો કરવામાં આવ્યો તો થઇ શકે 7 વર્ષની સજા, સ્વાસ્થ્ય મંત્રાલયે તૈયાર કર્યો ડ્રાફ્ટ

આ સાથે જ એમ પણ કહેવામાં આવ્યું ડ્રાફ્ટને કેટલાક દિવસો ફીડબેક માટે પબ્લિક ફોરમ વચ્ચે રાખવામાં આવશે. સ્વાસ્થ્ય મંત્રાલયે આ ડ્રાફ્ટ રેજિડેન્ટ ડોક્ટર્સ અને ઇન્ડિયન મેડિકલ એસોસિએશન સાથે મળીને બનાવ્યો છે. 

હાલના પ્રસ્તાવ મુજબ

- 1 વર્ષની સજાથી લઇને 7 વર્ષની સજાની જોગવાઇ
- એક લાખ રૂપિયાથી લઇને 5 લાખ રૂપિયા વળતર ચૂકવવું
- જો હોસ્પિટલ અથવા તેના ઇક્વિપમેન્ટને નુકશાન કરવામાં આવ્યું તો બેગણા પૈસા વસૂલ કરવાની જોગવાઇ

ફેડરેશન ઓફ રેજિડેન્ટ ડૉક્ટર્સ એસોસિએશનના અધ્યક્ષ ડૉ. સુમેદ સન્દનશિવ મુજબ, દિલ્હીમાં વર્ષ દરમિયાન લગભગ 60-70 ઘટનાઓ ડૉક્ટર સાથે મારપીટની થઇ છે. અને તેને લઇને રાજધાનીમાં ઘણીવાર ડૉક્ટર્સ હડતાળ કરી ચૂક્યા છે. 

જ્યારે 17 રાજ્યોમાં રેજિડેન્ટ ડૉક્ટર્સને લઇને કામ કરનારી યૂનાઇટેડ રેજિડેન્ટ ડૉક્ટર્સ એસોસિએશનના અધ્યક્ષ ડૉ. મનુ ગૌતમની માનીએ તો દેશભરમાં મૌખિક અથવા શારીરિક રૂપે રોજ સરેરાશ એક ડૉક્ટર તેનો શિકાર બની રહ્યો છે.