IPLIN
 
  • Home
  • India
  • fight between two sides for stopping a dalit girl from going to school

VIDEO / ગામની બીજી છોકરીઓ ભણવા જતી નથી, તો તૂ કેમ જાય છે: દલિત છાત્રાને શાળાએ જતી રોકવા દબંગો આડા ફર્યા

Team VTV 02:57 PM, 27 Jul 22
Follow us
fight between two sides for stopping a dalit girl from going to school

જાતિની લઈને અપમાનિત થયાની ઘટનાઓ છાશવારે આવતી રહે છે. ત્યારે હવે વધુ એક ઘટના મધ્ય પ્રદેશમાંથી સામે આવી છે.

  • મધ્ય પ્રદેશમાં એક દલિત છાત્રા સાથે જાતિને લઈને અપમાન થયું
  • અનુસૂચિત જાતિની દિકરીને શાળાએ જતાં રોકવા દબંગો આડા ફર્યા
  • શાળા નહીં જવાનું કહીને મારવાનું શરૂ કરી દીધું, વીડિયો થયો વાયરલ

મધ્ય પ્રદેશના શાજાપુરમાં પોલીસે એક સગીરવયની દલિત છોકરીને સ્કૂલે જતાં રોકવાના આરોપમાં સાત લોકોની ધરપકડ કરી છે. સ્થાનિક લોકોનું એક ટોળુ એવું કહીને છોકરીને સ્કૂલે જતાં રોકી હતી કે, ગામની બીજી છોકરીઓ સ્કૂલે જતી નથી, તો તું શું કામ જાય છે. એક અધિકારીએ મંગળવારે આ પ્રકારની જાણકારી આપી હતી. પોલીસે જણાવ્યું છે કે, બવાલિયાખેડી ગામમાં કથિત ઘટના બાદ છોકરીના પરિવાર અને ધરપકડ કરાયેલા લોકો વચ્ચે મારામારી થઈ હતી. જેમાં અમુક લોકો ઘાયલ પણ થયા હતા. 

પોલીસે ફરિયાદના આધારે જણાવ્યું હતું કે, ઘટના ત્યારે થઈ હતી, જ્યારે અનુસૂચિત જાતિ સમુદાયની એક 16 વર્ષિય દિકરી બપોરના સમયે સ્કૂલેથી ભણીને ઘરે પાછી આવી રહી હતી. તે સમયે અમુક લોકોએ તેને રસ્તામાં રોકી, તેનુ સ્કૂલ બેગ છીનવી લીધું અને તેને હવેથી શાળાએ નહીં જવા માટે કહ્યું. લોકોનું કહેવુ હતું કે, ગામની બાકીની છોકરીઓ સ્કૂલે જતી નથી, તો કેમ જાય છે. આ બાબતને લઈને છોકરીના પરિવાર અને સામે પક્ષના લોકો વચ્ચે મારામારી થઈ. પોલીસે જણાવ્યું છે કે, ફરિયાદ બાદ ભારતીય દંડ સંહિતાની સંબંધિત ધારાઓ અને અનૂસૂચિત જાતિ-જનજાતિ અધિનિયમ અંતર્ગત સાત લોકોની ધરપકડ કરવામાં આવી છે. 

બવાલિયાખેડી ગામની રહેવાસી દલિત છોકરી લક્ષ્મી મેવાડા શનિવારે સ્કૂલે જઈ રહી હતી. આ જોઈને તેના જ ગામના માખન, કુંદન સિંહ અને ધર્મેન્દ્ર સિંહે તેને રસ્તામાં રોકી. રસ્તામાં ઊભી રાખીને તેને કહ્યું કે, જ્યારે ગામની અન્ય કોઈ છોકરી સ્કૂલે જતી નથી, તો તારે શું કામ સ્કૂલે જવું જોઈએ ? જ્યારે લક્ષ્મીએ આ બાબતનો વિરોધ કર્યો તો તેનું સ્કૂલ બેગ છીનવી લીધું. તો વળી તેના ભાઈએ તેનો વિરોધ કર્યો તો, તેની સાથે મારપીટ કરી. આ વાતને લઈને વિવાદ વધી ગયો.

આ ઘટનાનો વીડિયો સોશિયલ મીડિયા પર વાયરલ થયો

આ ઘટનાનો વીડિયો હવે સોશિયલ મીડિયા પર વાયરલ થઈ રહ્યો છે. વાયરલ વીડિયોમાં હથિયાર ચલાવવાની સાથે સાથે છોકરી દ્વારા ઘટનાનું કારણ પણ બતાવામાં આવ્યું છે. આ ઉપરાંત ઘાયલ થયેલા લોકો પણ આ વીડિયો જોઈ શકાય છે. જેમને સારવાર માટે હોસ્પિટલમાં ભરતી કરવામા આવ્યા છે. 

Madhya Pradesh viral video dalit girl મધ્ય પ્રદેશ દલિત વાયરલ વીડિયો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ