'સીટ'યુદ્ધ / VIDEO: એ...એ...વાળ ખેંચી-ખેંચીને બે મહિલાઓએ ચાલુ ટ્રેનમાં કરી મારામારી, પોલીસકર્મી પણ ઘાયલ, કારણ ચોંકાવનારું

• હાલ એક વિડીયો વાયરલ થયો છે
• લોકલ ટ્રેનમાં સીટને કારણે બે મહિલાઓ વચ્ચે બોલાચાલી થઈ
• અંતે એ બોલાચાલી મારામારી સુધી પંહોચી હતી.

મુંબઈના ટ્રાફિક અને ત્યાંની લોકલ ટ્રેન વિશે તો આપણે બધા જાણીએ જ છીએ. મુંબઇમાં લગભગ લોકો લોકલ ટ્રેનથી અવર-જવર કરવાનું પસંદ કરે છે અને લગભગ સમયે લોકલ ટ્રેનના ભીડ લાગી રહે છે. એવામાં હાલ એક વિડીયો વાયરલ થયો છે. જેમાં લોકલ ટ્રેનમાં સીટને કારણે બે મહિલાઓ વચ્ચે બોલાચાલી થઈ અને અંતે એ બોલાચાલી મારામારી સુધી પંહોચી ગઈ હતી. 

હાલ સોશ્યલ મીડિયા પર એક વિડીયો વાયરલ થઈ રહ્યો છે જેમાં બે મહિલા સીટ માટે મારપીટ કરતાં નજર આવે છે. ઘટના બુધવાર રાતની છે. જણાવી દઈએ કે બુધવારે રાત્રે મુંબઈ લોકલ ટ્રેનમાં સીટને લઈને થયેલી બોલાચાલી અને એ પછીની મારપીટમાં એક મહિલા પોલીસકર્મી અને અન્ય મુસાફર ઘાયલ થયા હતા. પનવેલ જતી લોકલ ટ્રેનમાં બુધવારે રાત્રે લગભગ 8 વાગ્યે આ ઘટના બની હતી. મળતી માહિતી મુજબ એક મહિલા અને તેની પૌત્રી થાણેથી લોકલમાં ચઢ્યા હતા અને બીજી મહિલા એ કોપરખૈરણેમાંથી ટ્રેન પકડી હતી અને એ મહિલા સીટ ખાલી થવાની રાહ જોઈ રહી હતી. તુર્ભે સ્ટેશન પર એક સીટ ખાલી થઈ ત્યારે દાદીએ તેની પૌત્રીને સીટ અપાવવાનો પ્રયાસ કર્યો પણ કોપરખૈરણેમાંથી ટ્રેનમાં ચઢેલ મહિલાએ પણ સીટ પર બેસવાનો પ્રયાસ કર્યો હતો અને એ પછીથી બંને વચ્ચે બોલાચાલીનો સિલસિલો શરૂ થયો હતો.

Fight between two female passengers over a seat in #Local #TRAIN .

The woman police constable who went to the rescue got hurt.

Both women filed a case against each other at Vashi Railway Police Station.@Central_Railway #Mumbai pic.twitter.com/nFOKv7bOWv

— Siraj Noorani (@sirajnoorani) October 6, 2022

થોડો સમય જતાં બંને વચ્ચે ઉગ્ર દલીલ થઈ હતી અને પછી એ દલીલ મારામારીમાં પરિવર્તિત થઈ ગઈ હતી. જેમાં અન્ય મુસાફરો અને એક મહિલા પોલીસકર્મીને માથામાં ઈજા પણ પંહોચી હતી. જણાવી દઈએ કે આ મામલે બંને મહિલાઓએ એકબીજા વિરુદ્ધ કેસ દાખલ કર્યો છે. આ લડાઈમાં એક મહિલા પોલીસકર્મી પણ ઘાયલ થઈ છે. તેની સારવાર કરવામાં આવી છે.