રાજકોટની સિવિલ હોસ્પિટલમાં બે તબીબો વચ્ચે મારામારીની ઘટના બની જેના સીસીટીવી દ્રશ્યો સામે આવ્યા છે
રાજકોટમાં ડોક્ટરો વચ્ચે મારામારીનો મામલો
સિનિયર ડોક્ટરે જૂનિયરને માર માર્યાનો આક્ષેપ
સમગ્ર ઘટનાનો સીસીટીવી ફુટેજ સામે આવ્યો
રાજકોટ સિવિલ હોસ્પિટલમાં તબીબો વચ્ચે મારામારીની ઘટના બની હતી જેના સીસીટીવી દ્રશ્યો સામે આવ્યા છે. રાજકોટની કે.ટી.ચિલ્ડ્રન હોસ્પિટલમાં બે તબીબો વચ્ચે મારામારીની ઘટના બની હતી, જેમાં જુનિયર તબીબને સિનિયર તબીબે માર માર્યો હોવાનો આક્ષેપ કરાયો હતો.
કે.ટી.ચિલ્ડ્રન હોસ્પિટલમાં ડોક્ટરો વચ્ચે મારામારી
સીસીટીવીમાં જોઈ શકાય છે કે ડોક્ટર વચ્ચે બોલાચાલી અને ઝપાઝપી જોવા મળી રહ્યું છે ડો.ધવલે પ્રથમ સિનિયરને લાત મારી હોવાનો આક્ષેપ કરાઈ રહ્યો છે જ્યારે સીસીટીવીમાં બંને એકબીજા સામે સામે મારામારી કરી રહ્યા હોય તેવા દ્રશ્યો પણ જોવા મળી રહ્યા છે.
રાજકોટની કે.ટી. ચિલ્ડ્રન હોસ્પિટલમાં સિનિયર તબીબે જુનિયર તબીબને માર માર્યાનો આક્ષેપ લગાવવામાં કહ્યું હતું કે મને સિનિયર તબીબે ફોન કરી બોલાવીને કહ્યું કે હવે પરીક્ષાઓ પૂર્ણ થઈ ગઈ છે એટલે તને સુધો કરવાનો સમય આવી ગયો છે એવો આક્ષેપ જુનિયર તબીબે કર્યો હતો સિનિયર તબીબી તુ અમારું માનતો નથી કહીને માર માર્યો હતો, મહત્વનું છે કે બે તબીબો વચ્ચેની બોલાચાલી ઉગ્ર મારામારીમાં પરિણમી હતી
જૂનિયરના આક્ષેપ ખોટા હોવાનો સિનિયરનો દાવો
જો કે જુનિયર તબીબ ધવલ બારોટના આક્ષેપ ખોટા હોવાનું સિનિયર તબીબો કહી રહ્યા છે મારામારીની આ સમગ્ર ઘટના CCTV ફૂટેજમાં કેદપણ થઈ છે. જેમાં જુનિયર અને સિનિયર તબીબો વચ્ચે બોલાચાલી અને ઝપાઝપી પણ થતી જોવા મળી રહી છે. સૌ પ્રથમ જુનિયર ડૉકટર ધવલ બારોટએ સિનિયરને લાત મારવામાં આવી હોવાનું સામે આવ્યું છે. બાદમાં બંને પક્ષે એકબીજા સામે મારામારી કરી હતી.
પ્રદ્યુમનનગર પોલીસે બંને પક્ષ દ્વારા ફરિયાદની તજવીજ
જુનિયર તબીબે અન્ય સિનિયરો દ્વારા ગડદાપાટું માર માર્યો હોવાનો આક્ષેપ કર્યો છે તેમજ ત્રણ સિનિયર ડૉ. જીમિત ગઢીયા, ડૉ. કેયુર મણીયાર અને ડૉ. આલોક સિંઘએ મળીને માર માર્યોનો આક્ષેપ કર્યો છે હાલમાં પ્રદ્યુમનનગર પોલીસે એક બીજા સામે ફરિયાદ લેવા તજવીજ હાથ ધરી છે.