OMG! / શિકારી બન્યો શિકારઃ કુતરાને મારવા આવ્યો ભૂખ્યો દિપડો, ને પછી બન્યું એવું...

કહેવાય છે કે જંગલમાં જીવવા માટે દરેક જાનવરને પોતાની લડાઇ ખુદ જાતે જ લડવી પડે છે. અહીં પોતાનું પેટ ભરવા માટે તમામ જાનવરોને એકબીજાનો શિકાર કરવો પડતો હોય છે. આ નિયમ સાથે જ જંગલમાં જીવન જીવી શકાય છે. જંગલમાં સિંહ, વાઘ, દીપડો, સાપ અને રીંછ જેવા હિંસક જાનવરો રહેતા હોય છે.

આ સાથે જ કેટલાંક એવાં જાનવર પણ હોય છે કે જે જોખમકારક નથી હોતા પરંતુ પોતાની જિંદગી બચાવવા માટે તેઓએ ખુંખાર થઇને લડવું પડે છે. આવું જ કંઇક જંગલમાં રહેતા કુતરાઓની સાથે થયું, જેને જીવતા રહેવા માટે હિંસક જાનવર દીપડા સામે લડાઇ કરવી પડી.

સોશિયલ મીડિયા પર આ જાનવરોની લડાઇ ખૂબ વાયરલ થઇ રહી છે. જેમાં સ્પષ્ટ પણે દેખાઇ રહ્યું છે કે અંદાજે 5થી 7 જેટલાં કુતરાઓ સાથે મળીને દીપડા પર હુમલો કરી રહ્યાં છે. આ વીડિયોમાં સ્પષ્ટ જોવા મળી રહ્યું છે કે પહેલા દીપડો તેની પર હુમલો કરે છે પરંતુ થોડાંક સમય બાદ જ કુતરાંઓ એકલા દીપડાં પર ભારે પડી જાય છે. આ વીડિયો સોશિયલ મીડિયા હાલમાં ખૂબ વાયરલ થઇ રહ્યો છે.

જો કે આ વીડિયોની હજી સુધી એ પુષ્ટિ નથી થઇ શકી કે આખરે આ વીડિયો બનાવ્યો કોણે. વીડિયો જોઇને જો કે સ્પષ્ટ ખ્યાલ આવે છે કે કોઇ જંગલ વિસ્તારમાં જ આને શુટ કરવામાં આવેલ છે. આ સાથે જ આ વીડિયોની હકીકત વિશે હજી સુધી પણ પુષ્ટિ નથી થઇ શકી.