સ્પેનમાં 15 વર્ષના એક બાળકે વાઈ-ફાઈ કનેક્શન કાપવાથી ગુસ્સે થઇને પોતાની માતા, પિતા અને નાના ભાઈની ગોળી મારીને કરપીણ હત્યા કરી દીધી. એટલું જ નહીં, તે ત્રણ દિવસ સુધી પરિવારના મૃતદેહો સાથે ઘરમાં બંધ રહ્યો.
શાળામાં ઓછા માર્કસ આવતા માતાએ વાઈ-ફાઈ કનેક્શન કાપ્યું
આક્રોશિત થયેલા સગીર બાળકે પરિવારના બધા સભ્યોની કરી હત્યા
સગીર બાળકે પોલીસ સ્ટેશનમાં પોતાનો ગુનો કબુલ કર્યો
સગીર બાળકે કબૂલ કર્યો ગુનો
મહત્વનું છે કે આરોપી સગીર બાળકની પોલીસે ધરપકડ કરી છે. સ્પેનના એલ્શ શહેરમાં થયેલા આ ત્રીજા હત્યાકાંડને અંજામ આપનારા સગીર બાળકે પોતાનો ગુનો કબુલ કર્યો છે. પોલીસે જણાવ્યું કે બાળકની ગયા શુક્રવારે ધરપકડ કરવામાં આવી હતી. મીડિયા મુજબ, શાળામાં ઓછા માર્કસ આવતા અને ઘરના કામમાં મદદ ના કરાવતા બાળકની માતાએ તેનુ વાઈ-ફાઈ કનેક્શન હટાવી દીધુ હતુ.
સગીરે પરિવારના મોભીઓની કરી હત્યા
આ વાતથી ગુસ્સે થઇને બાળકે બંદૂકથી પોતાની માતા, પિતા અને 10 વર્ષના ભાઈની ગોળી મારીને હત્યા કરી દીધી. તે ત્રણ દિવસ સુધી લાશની સાથે ઘરમાં રહ્યો અને ત્યારબાદ પોતાના સંબંધીઓને ઘટનાની માહિતી આપી. બાળકે એલ્શ પોલીસ સ્ટેશનમાં પોતાના ગુનાની કબુલાત કરી. અત્યારે તે પોલીસ કસ્ટડીમાં છે.