કચ્છના ખેડોઈ ગામ નજીક એક કંપનીમાં ભીષણ આગ ફાટી નીકળી હતી. માન ઈન્ડસ્ટ્રીઝ પ્રાઈવેટ લિમિટેડ નામની કંપનીમાં ભીષણ આગ ફાટી નીકળતા અફરાતફરી સર્જાઈ હતી. ઘટનાને પગલે 4 ફાયર ફાઈટર ઘટનાસ્થળે પહોંચ્યા હતા. જો કે હજુ સુધી આગ લાગવાનું કારણ જાણી શકાયું નથી. આ ઘટનામાં સદનસીબે કોઈ જાનહાનિ સર્જાઈ ન હતી.
ઉલ્લેખનીય છે કે ચાલુ વર્ષની શરૂઆત થતાની સાથે જ દેશભરમાં આગના બનાવો બની રહ્યા છે. આ પહેલા પહેલા સુરત અને વડોદરાના કેટલાક સ્થળો પર પણ આગ લાગવાના બનાવો બન્યા હતા ત્યારે આજરોજ કચ્છના ખેડોઇ ગામ નજીકની એક ખાનગી કંપનીમાં ભીષણ આગ લાગતા અફરાતફરીનો માહોલ સર્જાયો હતો.
જો કે આ ઘટનાની જાણ નજીકના ફાયર વિભાગને કરવામાં આવતા ફાયર વિભાગના જવાનો ફાયરફાઇટરો સાથે ઘટના સ્થળે આવી પહોંચ્યા હતા અને પાણીનો સતત મારો ચલાવ્યો હતો અને આગ પર કાબૂ મેળવ્યો હતો. આ ઘટનાની પ્રાથમિક તપાસ કરવામાં આવતા આગ લાગવાનું કારણ જાણી શકાયું નહોતું જો કે વિશેષ તપાસ હાથ ધરાઇ હતી.