વલસાડ / ઉમરગામની GIDCમાં ભીષણ આગથી નાસભાગ, મોટાપાયે નુકશાનની આશંકા, આગ ઠારવા તંત્ર કામે લાગ્યું

• વલસાડના ઉમરગામ GIDCમાં ભીષણ આગ
• મેટલ કંપનીમાં આગ લાગતા અફરા-તફરીનો માહોલ
• ધુમાડાના ગોટે ગોટાથી લોકોમાં ભયનો માહોલ

વલસાડના ઉમરગામ GIDCમાં આગની ઘટના બની છે. GIDCમાં ભીષણ આગ લાગતા અફરા-તફરીનો માહોલ સર્જાયો છે. જો કે, ફાયર વિભાગની ટીમને જાણ કરતા તે પણ ઘટનાસ્થળે દોડી આવી છે અને આગ પર કાબૂ મેળવવા પ્રયાસો હાથ ધર્યા છે.

Gujarat| Massive fire breaks out in a factory in Umargam. Fire tenders at the spot, efforts to douse the fire underway pic.twitter.com/jkXHJiXXLH

— ANI (@ANI) February 4, 2023

 લોકોમાં ભયનો માહોલ સર્જાયો
ઉમરગામની GIDCમાં ભીષણ આગ લાગી છે, જેની જ્વાળા અને ધુમાડાના ગોટે ગોટાથી લોકોમાં ભયનો માહોલ સર્જાયો છે. પાપ્ત માહિતી અનુસાર એક મેટલ કંપીનીમાં આગ લાગ્યાનું જાણવા મળ્યું છે. ઘટનાસ્થળ પર ફાયર વિભાગની ટીમ આગને કાબૂમાં લેવાના પ્રયાસો હાથ ધર્યા છે. તેમજ કંપનીમાં લાગેલી આગનું કારણ અજી સુધી જાણવા મળ્યું છે. 

ભારે માલ-સમાનનો નુકસાન થયાની ચર્ચાઓ
આગની જ્વાળા દૂર દૂર જોવા મળતા લોકોમાં ડરનો માહોલ છવાયો હતો. તમને જણાવી દઈએ કે, અત્યાર સુધી કોઈ જાનહાનીની ખબર નથી તેમજ પ્રાથમિક અનુમાન પ્રમાણે ભારે માલ-સમાનનો નુકસાન થયાની ચર્ચાઓ ચાલી રહી છે.