CWG 2022 / કોમનવેલ્થ ગેમ્સમાં ઉગ્ર બોલાચાલી, લાઇવ મેચમાં ખેલાડીઓ આવી ગયા આમને-સામને, સામે આવ્યો ચોંકાવનારો VIDEO

• કોમનવેલ્થ ગેમ્સમાં લાઈવ મેચમાં ખેલાડીઓ વચ્ચે ઉગ્ર બોલાચાલી
• ઈંગ્લેન્ડ અને કેનેડા વચ્ચેની મેન્સ હોકી મેચમાં કુસ્તી જોવા મળી
• બલરાજ પાનેસર અને ક્રિસ ગ્રિફિથે એકબીજાની ગરદન પકડી 

કોમનવેલ્થ ગેમ્સ 2022માં ગુરુવારે ઈંગ્લેન્ડ અને કેનેડા વચ્ચે મેન્સ હોકી મેચ વચ્ચે ચોંકાવનારા દ્રશ્યો સામે આવ્યા છે. વિગતો મુજબ હોકીની મેચમા દર્શકોને કુસ્તી જોવા મળી હતી. ગુરુવારે ઈંગ્લેન્ડ અને કેનેડાના ખેલાડીઓ વચ્ચે ઝપાઝપી સાથે જોરદાર લડાઈ થઈ હતી. આ પરાક્રમ જોઈને દર્શકો દંગ રહી ગયા. ખેલાડીઓ વચ્ચેની લડાઈ એટલી વધી ગઈ કે, બાદમાં રેફરીએ આવીને દરમ્યાનગીરી કરવી પડી.

કોમનવેલ્થ ગેમમાં સેમિફાઈનલમાં પહોંચવા માટે ઈંગ્લેન્ડના ખેલાડીઓને મોટા અંતરથી જીતવું પડ્યું હતું. આ માટે ઈંગ્લેન્ડની ટીમના ખેલાડીઓ કેનેડા સામે ગોલ કરવા માટે સતત આક્રમક રમત બતાવી રહ્યા હતા. ત્યારપછી બલરાજ પાનેસરની હોકી સ્ટિક ઈંગ્લેન્ડના ક્રિસ ગ્રિફિથ્સના હાથ પર વાગી અને ફસાઈ ગઈ. આનાથી ગુસ્સે ભરાયેલા ગ્રિફિથ અને પાનેસરને ધક્કો માર્યો, જેનાથી પાનેસર ગુસ્સે થયો અને તેણે ઈંગ્લેન્ડના ખેલાડીની ગરદન પકડી લીધી. પછી બંનેએ એકબીજાના ટી-શર્ટ પકડી લીધા અને ખેંચવા લાગ્યા. જાણે રમતનું મેદાન યુદ્ધનું મેદાન બની ગયું હોય.

😱

Wrong hockey sport Panesar!
Completely let down @FieldHockeyCan with that one. #cwg2022 | #Birmingham22 | #hockey pic.twitter.com/7OyYv6ZUDr

— Hockey World News (@hockeyWrldNws) August 4, 2022

રેફરીએ દરમ્યાનગીરી કરવી પડી 

બલરાજ પાનેસર અને ગ્રિફિથ વચ્ચે એટલી ભયંકર લડાઈ થઈ કે દર્શકોને જોઈને પોતાની આંખો પર વિશ્વાસ જ ન થઈ શકે. બાદમાં રેફરીએ દરમ્યાનગીરી કરવી પડી હતી. આ પછી બંને ટીમના ખેલાડીઓ આવ્યા અને બંનેને અલગ કર્યા. આ પછી રેફરીએ કેનેડાના બલરાજ પાનેસરને રેડ કાર્ડ બતાવીને મેચમાંથી બહાર મોકલી દીધો હતો. આ સાથે જ ઈંગ્લેન્ડના ક્રિસ ગ્રિફિથને યલો કાર્ડ બતાવીને ચેતવણી આપવામાં આવી હતી.

નોંધનિય છે કે, કેનેડાને એક ખેલાડીની ખોટ સહન કરવી પડી હતી. આની કિંમત તેણે મેચ હારીને ચૂકવવી પડી હતી. ઈંગ્લેન્ડે આ મેચ 11-2થી જીતી લીધી હતી, પરંતુ તેમ છતાં ટીમ સેમીફાઈનલમાં પહોંચી શકી નહોતી. સેમિફાઇનલમાં જગ્યા બનાવવા માટે તેમને 15 ગોલના માર્જિનથી જીતવું પડ્યું હતું. આ સાથે જ ભારતીય ટીમ શાન સાથે સેમીફાઈનલમાં પહોંચી ગઈ છે. ટીમ ઈન્ડિયાએ અત્યાર સુધી કોમનવેલ્થના ઈતિહાસમાં ગોલ્ડ મેડલ જીત્યો નથી, પરંતુ આ વખતે ભારત મનપ્રીત સિંહની કેપ્ટનશીપમાં ઈતિહાસ રચી શકે છે.