ક્રિકેટ / 16 વર્ષના આ ગુજરાતી છોકરાએ T-20માં ફટકારી બેવડી સદી, મેદાનમાં ફીલ્ડરોને પરસેવો છુટી ગયો

• અંશે 20-20 માં બેવડી સદી ફટકારી
• અંશે એક નવો ઈતિહાસ સર્જ્યો છે 

તમે ક્યારેક વનડે બેવડી સદી ફટકારી એવું સાંભળ્યું હશે. પરંતુ T-20 માં ? તમારો જવાબ હશે ના...પરંતુ હવે એક 16 વર્ષના એક ગુજરાતી છોકરાએ કમાલ કરી બતાવ્યો છે. ભાવનગરના અંશ ગોસાઈએ હમણાં જ T-20 મેચમાં 96 બોલમાં 231 રન ફટકાર્યા છે. અંશે આ એક અલગ પ્રકારનો રેકોર્ડ બનાવી બધાને આશ્ચર્યચકિત કરી દીધા છે. 

ભાવનગરમાં અંડર-16ના એક ક્રિકેટરે રનનો ઢગલો ખડકી દીધો છે. અંડર-16 ઇન્ટર સ્કૂલ T20માં અંશ ગોસાઇ નામના ક્રિકેટર 231 રન ફટકારી દીધા. અંશે 96 બોલમાં 14 સિક્સર અને 30 ફોર ફટકારી અને 231 રન ફટકાર્યા છે. દક્ષિણામૂર્તિ સ્કૂલના અંશ ગોસાઈએ T20માં બેવડી સદી ફટકારી રેકોર્ડ બનાવ્યો છે. અંશે છેલ્લી 8 ઇનિંગ્સમાં એક બેવડી સદી અને બે સદી ફટકારી છે. અને ત્રણ અડધી સદી પણ ફટકારી છે.