હાઈકોર્ટે ફટકાર લગાવતા કહ્યું, બે વ્યસ્ક એકબીજાની સહમતિથી થોડાક દિવસ સાથે રહે તો તેને અર્થ એ નથી કે તે હકિકતમાં લિવ-ઈન રિલેશનશિપમાં છે.
થોડાક દિવસ સાથે રહેવાનો અર્થ લિવ ઈન રિલેશનશિપ નથી
એક કપલની અરજીને ફગાવતા, 25 હજારનો દંડ ફટકાર્યો
કપલે પરિવારની સામે રક્ષણ માંગતી અરજી કોર્ટમાં કરી હતી
થોડાક દિવસ સાથે રહેવાનો અર્થ લિવ ઈન રિલેશનશિપ નથી
પંજાબ અને હરિયાણા હાઈકોર્ટે એક મામલાની સુનવણી દરમિયાન એ સ્પષ્ટ કરી દીધુ કે જો 2 વ્યસ્ક એકબીજાની સહમતિથી થોડાક દિવસ સાથે રહે તો તેને અર્થ એ નથી કે તે હકિકતમાં લિવ-ઈન રિલેશનશિપમાં છે. હાઈકોર્ટનું કહેવું છે કે કોઈ કપલ કેટલા લાંબા સમયથી સાથે રહી રહ્યું છે અને સાથે તે સામે આવનારા પોતાના કર્તવ્યોનું પાલન કરી રહ્યું છે. જવાબદારી ઉઠાવી રહ્યું છે કે નહી. આ તમામ બાબતોથી સંબંધ લગ્ન સમાન બને છે.
એક કપલની અરજીને ફગાવતા, 25 હજારનો દંડ ફટકાર્યો
હાઈકોર્ટના જજ મનોજ બજાજે યમુનાનગર જિલ્લાના એક કપલ તરફથી ફાઈલ કરવામાં આવેલી અરજીને ફગાવતા આદેશ આપ્યો. આ કપલે પોતાના પરિવાર પાસેથી સુરક્ષા માંગતા હાઈકોર્ટમાં અરજી કરી હતી. અંગ્રેજી અખબારના સમાચાર મુજબ આ કપલ ગત કટલાક દિવસોથી લિવ- ઈન રિલેશનશિપમાં રહી રહ્યા હતા. હાઈકોર્ટે આ પ્રકારની અરજી કરવા માટે કપલને 25 હજારનો દંડ ફટકાર્યો છે.
શું છે મામલો
પીઠ 18 વર્ષની યુવતી અને 20 વર્ષના યુવક દ્વારા દાખલ અરજી પર વિચાર કરી રહી હતી. તેમણે દાવો કર્યો કે તે એક બીજાને પ્રેમ કરે છે અને વયસ્ક થવા પર લગ્ન કરવાનો નિર્ણય કર્યો છે. સુરક્ષા અરજીમાં એમ પણ કહેવામાં આવ્યું છે કે છોકરીના માતાપિતા તેમની વિરુદ્ધ છે અને તેમણે પોતાની પસંદના યુવક સાથે તેના લગ્ન કરાવવાનો નિર્ણય કર્યો છે. એટલા માટે તેઓ લિવ ઈનમાં રહી રહ્યા હતા.