ભોપાલની એક 18 મહિનાની બાળકીના પેટમાંંથી ભ્રૂણ મળી આવતા ડૉક્ટરો માટે પણ આશ્ચર્યજનક ઘટના, અમદાવાદ સિવિલ હોસ્પિટલના તબીબોએ કર્યું સફળ ઓપરેશન
અમદાવાદ સિવિલ હોસ્પિટલમા અનોખો કિસ્સો
18 મહિનાની બાળકીના પેટમાં મળ્યો હતો ભૃણ
દર 5 લાખે એક બાળકમાં હોય છે આવી બીમારી
અમદાવાદ સિવિલ હોસ્પિટલમાં અનોખો કિસ્સો સામે આવ્યો છે. ભોપાલની 18 મહિનાની બાળકીના પેટમાંથી ભ્રુણ મળી આવ્યું છે. ડોક્ટરોના કહેવા મુજબ દર 5 લાખે એક બાળકીમાં આવી દુર્લભ બીમારી જોવા મળે છે. ત્યારે હાલ સિવિલ હોસ્પિટલમાં બાળકીનું સફળતાપૂર્વક ઓપરેશન કરાયું છે. સમગ્ર મામલા વિશે વાત કરીએ તો. મધ્યપ્રદેશના નીમુચ જિલ્લામાં રહેતા અને જ્વેલરીના વ્યવસાય સાથે જોડાયેલા હર્ષીતભાઈ તેમની 18 મહીનાની દીકરી વેદીકાની પેટમાં ગાંઠની તકલીફને લઇને મધ્યપ્રદેશની વિવિધ હોસ્પિટલમાં ધક્કા ખાઇ રહ્યા હતા.
બાળકીના પિતાએ જણાવ્યો સમગ્ર કિસ્સો
દીકરીનું પેટ અચાનક ફૂલી જવાથી બાળકી અત્યંત વેદના સહન કરી રહી હતી. મધ્યપ્રદેશમાં વિવિધ રીપોર્ટસ કરાવતા દીકરીના ગર્ભમાં અવિકસિત ભ્રુણ હોવાનું સામે આવ્યું હતું. આ ભ્રુણને દૂર કરવાની સર્જરી અત્યંત પડકારજનક અને જોખમી હોવાથી મધ્યપ્રદેશના તબીબોએ હાથ ઊંચા કર્યા હતા અને રાજસ્થાન કે બાળકીને સારવાર માટે લઈ જવા કહી દીધું હતું. ત્યારે એક દિવસ સોશિયલ મીડિયા પર ટ્વીટરમાં સર્ફીંગ કરતા સમયે સિવિલ હોસ્પિટલના ટ્વીટર હેન્ડલ પર તબીબો દ્વારા બાળકોની પણ વિવિધ પ્રકારની જટીલ સર્જરી કરવામાં આવતી હોવાની પોસ્ટ તેમના નજરે પડી.
તેઓને તરત જ પોતાના બાળકીની પીડા વિશેની માહિતી આપતું ટ્વીટ કર્યું. અને સિવિલ હોસ્પિટલના બાળરોગ સર્જરી વિભાગના વડા ડોક્ટર રાકેશ જોશીએ હર્ષિતભાઇને હોસ્પિટલ લઇ આવવા કહ્યું હતું. જ્યાં બાળરોગ સર્જરી વિભાગના તબીબો દ્વારા વેદિકાનું સી.ટી. સ્કેન કરાવવામાં આવ્યું. જેમાં દોઢ વર્ષની વેદીકાના પેટમાં 400 ગ્રામનું અવિકસિત ભ્રુણ હોવાનું જાણવા મળ્યું હતું. જેનું ઓપરેશન સફળતાપૂર્વક પાર પાડવામાં આવ્યું હતું.
તબીબોએ જણાવ્યું કે, આ પ્રકારની બીમારીને ફિટસ ઈન ફિટુ કહેવાય છે
સિવિલ હોસ્પિટલના જાણીતા તબીબ એ જણાવ્યું કે, બાળકીના શરિરમાં એક ભ્રૂણ વિકાસ પામી રહ્યો હતો. પરંતુ તેમના માતા પિતાને એવું થયું કે, બાળકીના પેટમાં કોઈ ગાંઠ જેવું છે. જેથી તેમને મધ્યપ્રદેશના તબીબો પાસે ડાયગનોસિસ કરાવ્યું હતું. પરંતુ મધ્યપ્રદેશમાં કોઈ યોગ્ય ઉત્તર ન મળતા ઈન્ટરનેટ પર સર્ચિંગ કર્યું હતું. અને મધ્યપ્રદેશના પરિવારના એક સગા અમદાવાદમાં રહે છે. તેમના મારફતે મારો સંપર્ક કરાયો હતો. મને જાણ થતા મેં તેમને આ પ્રકારના ઓપરેશન કરવાની હા પાડી હતી. અને તેઓ આવશે તો તુરંત સિવિલ હોસ્પિટલની ટીમ દ્વારા ઓપરેશન કરી દેવાશે. તેવો સંતોષકારક જવાબ પરિવારને આપ્યો હતો.
બાળકીમાં અવિકસીત ભ્રુણ કઇ રીતે બને છે?
આ પ્રકારના ભ્રુણના વિકાસ માટે બે પ્રકારની થીયરી કામ કરે છે
પેરાસાયટિક ટ્રિવન અને ટેરેટોમેટ્સ એમ બે પ્રકારની થીયરી કામ કરે છે
વેદીકામાં જોવા મળેલું ભ્રુણ આ બંનેમાંથી કોઇપણ એક થીયરીના કારણે વિકસીત થયું હતું
ગર્ભની શરૂઆત થાય ત્યારે અંડકોષ ફલિત થયા બાદ બે ભાગમાં વહેચાયુ હશે તેમે માનવામાં આવે છે
એક સામાન્ય બાળક અને બીજો અંડકોષ બાળકમાં સમાઇ જતા ફિટ્સ ઇન ફિટુ તરીકે વિકસે છે
ફિટ્સ ઇન ફિટુમાં લોહીનો સપ્લાય જીવંત બાળકમાંથી મળે છે
ફિટ્સ ઇન ફિટુમાં મગજ, હ્યદય, ફેફસા જેવા અંગો હોય છે પરંતુ તે નિષ્ક્રીય રહે છે