ક્રાઈમ / રાજકોટના રૈયા રોડ વિસ્તારમાં ઝડપાયું મોટું કૌભાંડ, પોલીસે ડમી ગ્રાહક બની કર્યો મહિલાનો પર્દાફાશ

• રાજકોટમાં ગર્ભ પરીક્ષણનો પર્દાફાશ 
• ડમી ગ્રાહક મોકલી પોલીસે કર્યો પર્દાફાશ 
• સમગ્ર મામલે મનપા આરોગ્ય અધિકારી બન્યા ફરિયાદી  

રાજકોટમાં ગર્ભ પરીક્ષણના રેકેટનો મોટા પાયે પર્દાફાશ થયો છે. શહેરના રૈયારોડ પર આવેલ શિવપરા સોસાયટીના એક મકાનમાં આ રેકેટ ચાલતું હતું. જે મામલે પોલીસને જાણ થઈ હતી. જેથી પોલીસે ત્યા એક કોન્સ્ટેબલને ડમી ગ્રાહક બનાવીને મોકલ્યો હતો. જ્યા પોલીસને બાતમી ખરી નીવડી હતી. 

સમગ્રા મામલે એક મહિલાની ધરપકડ 

SOGની ટીમને ત્યાથી ગર્ભપાતના સાધનો અને દાવાનો જથ્થો પણ મળી આવ્યો છે અને આ સમગ્ર મામલે પોલીસે એક સરોજ ડોડીયા નામની મહિલા ની ધરપકડ કરી છે. જે ગર્ભ પરીક્ષણ અને ગર્ભપાત કરવાતી હતી. જેથી મહિલાને તેની કરતૂતને કારણે આજે જેલના સળીયા ગણવાનો વારો આવ્યો છે. 

મનપા અધિકારી બન્યા ફરિયાદી 

આ સમગ્ર મામલે મનપા આરોગ્ય અધિકારી લલિત વાજા પોતેજ ફરિયાદી બન્યા છે. પોલીસે મહિલાની ધરપકડ કરી તેની પૂછપરછ આરંભી ત્યારે સામે આવ્યું કે તે ગર્ભપરીક્ષણ માટે 18 હજાર રૂપિયા લેતી હતી. જ્યારે ગર્ભપાત કારવાના તે 20 હજાર રૂપિયા લેતી હતી. 

એક મહિલા ફરાર 

જે મહિલાની ધરપકડ કરવામાં આવી તેની સાથે બીજી પણ એક મહિલા હતી. જે મુખ્ય સૂત્રધાર છે. જકે તેને પોલીસની જાણ થઈ જતા તે મહિલા ત્યાથી ફરાર થઈ ગઈ સાથેજ સોનોગ્રાફીર માટે આવેલી એક મહિલા પણ ઘટનાસ્થળેથી ફરાર થઈ ગયો છે. જોકે આ ઘટાનાને લઈને આસપસાના વિસ્તારોમાં ચકચાર મચી જવા પામી છે. 

અગાઉ મહિસાગરમાં ગર્ભપાત રેકેટ ઝડરાયું હતું 

ઉલ્લેખનીય છે કે અગાઉ મહિસાગરના સંતરામપુરમાં પણ ગર્ભપાત રેકેટનો પર્દાફાશ થયો હતો. જે મામલે સોશિયલ મીડિયા પર વીડિયો વાયરલ થયા બાદ પોલીસ દોડતી થઈ ગઈ હતી. ત્યારે વધુંમાં ફરી રાજકોટ શહેરમાં ગર્ભપાત અને ગર્ભ પરિક્ષણના રેકેટનો પર્દાફાશ થયો છે,.