છેતરપિંડી / જોજો ક્યાંક તમારે પણ ન પડી જાય લેવાના દેવા, Facebook વાપરતા હોય તો આ વાતનું ખાસ ધ્યાન રાખજો

• Facebook વાપરતા હોય તો થઈ જજો સાવધાન
• ઈ-કોમર્સ પ્લેટફોર્મના ખરીદદારો સાથે થઈ છેતરપિંડી
• ખોટી વેબસાઈટ બનાવી લોકો સાથે કરે છે છેતરપિંડી

એવી સાઈટોમાં વધારો થયો છે, જ્યાં સસ્તા સ્માર્ટફોન અને ઘડિયાળો બતાવીને લોકોની સાથે લૂંટ ચલાવવામાં આવી છે. ઓનલાઈન શોપિંગ કરનારા લોકોને આ સ્થિતિનો શિકાર થતાં બચાવવા માટે સાઈબર અધિકારી આગળ આવ્યાં છે. મોટાભાગના આ ઓનલાઈન સ્કેમર ઓફરની તલાશમાં ખરીદદારો સાથે છેતરપિંડી કરવા માટે ફેસબુક એન્ડ નેટવર્કનો ઉપયોગ કરી રહ્યાં છે.

ખોટી વેબસાઈટ બનાવી લોકો સાથે થાય છે છેતરપિંડી

આવુ એક પોર્ટલ છે, જેને અસંખ્ય હજારો ભારતીય યૂઝર્સે આકર્ષિત કર્યુ છે. આ છે Wellbuymall ડોટ કોમ. પોર્ટલને અત્યારે બંધ કરી દેવામાં આવ્યું છે. પરંતુ અગાઉ ટેકનિકલ ઉત્પાદનોને વેચવાના નામે ખરીદી કરનારા લોકો સાથે છેતરપિંડી થઇ છે. જેવો ઓર્ડર પાસ થાય છે અને સામે વાળો વ્યક્તિ પૈસા ટ્રાન્સફર કરે છે તો સાઈટ ગાયબ થઇ જાય છે.

સાઈબર ફ્રોડના શિકારે સંભળાવી આખી કહાની

સાઈબર ફ્રોડના શિકાર બનેલા સુજીત વર્માએ સ્કેમડવાઈઝર ડોટ કોમ પર પોસ્ટ કર્યુ કે તેમણે એક ઓર્ડર આપ્યો હતો અને ઓનલાઈન ચૂકવણી કરી હતી. પરંતુ Wellbuymall ડોટ કોમ તરફથી કોઈ પ્રતિક્રિયા આવી નથી. આ સાથે જ તેમને ઓર્ડર પણ મળ્યો નથી. એક અન્ય પીડિત સુનીલ ગુપ્તાએ કહ્યું કે તેને એક એસએસડી માટે એક ઓર્ડર આપ્યો હતો અને ચૂકવણી કરી. ફેસબુક જાહેરાતો પર લિસ્ટેડ ફેક વેબસાઈટે ત્યારબાદ કોઈ પ્રતિક્રિયા આપી નથી.

તાજેતરમાં ગુંડગાંવના એક ખરીદી કરનારા આયુષે સ્માર્ટફોન માટે એક મિની-પોકેટ ચાર્જરનો ઓર્ડર આપ્યો. જેની કિંમત 1668 રૂપિયા હતી. તેને પણ ડિલીવરી ના મળી. ખરીદી કરનાર ગ્રાહકે ઈ-કોમર્સ વેબસાઈટ વિરુદ્ધ ગુરૂગ્રામ પોલીસ સાઈબર ક્રાઈમ સેલમાં ફરિયાદ નોંધાવી.