મોંઘવારી / ખેડૂતો માટે સૌથી મોટા સમાચારઃ ખાતરમાં મોટો ભાવ વધારો આવશે, જાણો કોણે આપ્યા સંકેત

• ઇફ્કોના ચેરમેન દિલીપ સંઘાણી મોટું નિવેદન 
• ખાતરમાં અસહ્ય ભાવ વધારાના સંકેત
• રાજકોટ ખાતે આપ્યું નિવેદન 

ઇફ્કોના ચેરમેન દિલીપ સંઘાણીનું મોટું નિવેદન

ખેડૂતો માટે સૌથી મોટા સમાચાર ઈન્ડિયન ફાર્મર્સ ફર્ટિલાઈઝર કોઓપરેટિવ લિમિટેડના પ્રમુખ દિલીપ સંઘાણીએ રાજકોટ ખાતે મીડિયાને સંબોધતા સંકેત આપતાં જણાવ્યું હતું કે, આગામી દિવસોમાં ખાતરના ભાવમાં મોટો વધારો આવશે  

આગામી દિવસોમાં ખાતરના ભાવમાં મોટા વધારો આવી શકે છે

ઉલ્લેખનીય છે કે, રશિયા-યુક્રેન વચ્ચે ચાલી રહેલા યુદ્ધની અસર ધીમે ધીમે સમગ્ર દેશમાં જોવા મળી રહી છે. પહેલા ક્રુડ ઓઈલના ભાવ વધતાં પેટ્રોલ અને ડિઝલના ભાવોમાં વાધારાની શક્યતાની વચ્ચે આજે રાજકોટ ખાતે ઈન્ડિયન ફાર્મર્સ ફર્ટિલાઈઝર કોઓપરેટિવ લિમિટેડના પ્રમુખ દિલીપ સંઘાણીએ મીડિયાને સંબોધતા સંકેત આપ્યો હતો કે, આગામી દિવસોમાં ખાતરના  ભાવમાં મોટા વધારો આવી શકે છે. તેમણે જણાવ્યું હતું કે, 2014માં ખાતર ઉપર 70 હજાર કરોડની સબસીડી આપવામાં આવી હતી. જેની સામે ગત વર્ષે સરકારે 1.35 લાખ કરોડની સબસીડી સરકારે ખેડૂતને આપી છે. આમ ફરી એક ખાતરના ભાવ વધારના એંધાણ વર્તાતા ખેડૂતોમાં ચિંતા પ્રસરી જવા પામી છે. 

ભારત યુક્રેનમાંથી મોટી માત્રામાં રાસાયણિક ખાતરની આયાત કરે છે

મહત્વનું છે કે,  રશિયા વિશ્વના એમોનિયમ નાઈટ્રેટના બે તૃતીયાંશ ઉત્પાદન કરે છે. રશિયા વિશ્વમાં તેનો સૌથી મોટો નિકાસકાર છે. તેના પુરવઠામાં વિક્ષેપને કારણે, વિશ્વભરમાં પાકનું ઉત્પાદન મોંઘું થશે. તેનાથી ખાદ્ય ફુગાવો વધવાની શક્યતા છે. અમેરિકામાં ખાદ્ય ફુગાવો 6 ટકાની ઉપર પહોંચી ગયો છે. ભારત યુક્રેનમાંથી મોટી માત્રામાં રાસાયણિક ખાતરની આયાત કરે છે. તેના પુરવઠામાં વિક્ષેપને કારણે દેશમાં ખાતરની અછત સર્જાઈ શકે છે. એટલું જ નહીં, મોટાભાગના ફર્ટિલાઈઝર પ્લાન્ટ હવે કોલસાને બદલે ગેસ પર શિફ્ટ થઈ ગયા છે. યુક્રેનથી ગેસ પુરો પાડવામાં આવે છે.  

ખાતરના હાલના બજાર ભાવ 

ખાતર                                             ભાવ 

પોટાશ ખાત (50 કિલો)                    1700 રૂપિયા
યુરિયા ખાતર (45 કિલો)                   270 રૂપિયા
NPK ખાતર (50 કિલો)                    1470 રૂપિયા
મહાજન NPK ખાતર (50 કિલો)        1710 રૂપિયા
DAP ખાતર(50 કિલો)                      1200 રૂપિયા
એમોનિયા સ્લફેડ ખાતર (50 કિલો)     1100 રૂપિયા
ASP ખાતર (50 કિલો)                     1320 રૂપિયા