મોટી દુર્ઘટના / ફિલિપાઈન્સમાં 250 લોકોને લઈ જતી ફેરી બોટમાં લાગી આગ, જીવ બચાવવા કૂદી પડ્યા લોકો, 12થી વધુનાં મોત

• ફિલિપાઇન્સમાં આજે એક મોટી દુર્ઘટના સર્જાઈ
• લોકોને લઈ જતી ફેરીમાં લાગી ભીષણ આગ
• અત્યાર સુધીમાં 12 લોકોનાં મોતની પુ‌ષ્ટિ થઈ 

દક્ષિણ-પૂર્વ એશિયાઈ દેશ ફિલિપાઇન્સમાં આજે સવારે એક મોટી દુર્ઘટના થઈ હતી. અહીં 250 લોકોને લઈ જતી ફેરીમાં આગ લાગી હતી. આ દુર્ઘટનામાં ઘણા લોકો જીવતા દાઝી ગયા હોવાની માહિતી સામે આવી છે. જણાવવામાં આવી રહ્યું છે કે આ દુર્ઘટનામાં આગના કારણે ઘણા લોકો દાઝી ગયા છે. આ ભયાનક અકસ્માત બાદ તરત જ રાહત અને બચાવકાર્ય શરૂ કરી દેવામાં આવ્યું છે.

#Breaking: Just in - Reports that at least 31 people have died and another 230 were rescued after a fire engulfed a ferry in the #Philippines during the night. pic.twitter.com/yizkQa8ev7

— Sotiri Dimpinoudis (@sotiridi) March 30, 2023

સાત લોકો ગુમ 

આ ઘટના પ્રશાંત મહાસાગરમાં એ સમયે બની જ્યારે ફિલિપાઈન્સમાં 250 લોકોને લઈ જતી ફેરીમાં આગ લાગી હતી. અત્યાર સુધીમાં 12 લોકોનાં મોતની પુ‌ષ્ટિ થઈ છે અને સાત લોકો ગુમ હોવાનું કહેવાય છે. ફિલિપાઇન્સ કોસ્ટગાર્ડ્સે અહેવાલ આપ્યો કે પેસેન્જર ફેરી દક્ષિણ ફિલિપાઈન્સના દરિયામાંથી પસાર થઈ રહી હતી ત્યારે બલુક ટાપુ નજીક આગ લાગી હતી. બલુક ટાપુ ફિલિપાઈન્સના બેસિલાન પ્રાંતમાં આવે છે. ઝામ્બોગા સ્થિત ફિલિપિન કોસ્ટગાર્ડના જણાવ્યા અનુસાર આગને કાબૂ કરવાનો પ્રયાસ કરવામાં આવી રહ્યો છે.

આગથી બચવા લોકો કૂદી પડ્યા

બેસિલાનના દક્ષિણી ટાપુ પ્રાંતના ગવર્નર જિમ હેટમેને જણાવ્યું હતું કે આગ ફાટી નીકળ્યા બાદ ઘણા લોકો ગભરાઈને કૂદી પડ્યા હતા. તેઓને કોસ્ટગાર્ડ, નેવી, અન્ય બોટ અને સ્થાનિક માછીમારો દ્વારા દરિયામાંથી બહાર કાઢવામાં આવ્યા હતા. દુર્ઘટનામાં ઓછામાં ઓછા 23 મુસાફરો ઘાયલ થયા છે, જેમને હોસ્પિટલમાં દાખલ કરવામાં આવ્યા છે. ગવર્નર જિમ હેટમેને જણાવ્યું કહ્યું હતું કે આગના કારણે હોબાળો થતાં કેટલાક મુસાફરો જાગી ગયા હતા અને કૂદી ગયા હતા. અધિકારીઓએ જણાવ્યું હતું કે ડૂબી જવાથી મૃત્યુ પામેલા મોટા ભાગના લોકોના મૃતદેહ મળી આવ્યા છે.