ઇન્ટરનેશનલ ક્રિકેટમાં વિરાટ કોહલીની શાનદાર ઉપલબ્ધિઓને કારણે દિલ્હી તથા જિલ્લા ક્રિકેટ સંઘ (DDCA)એ ફિરોઝશાહ કોટલા ગ્રાઉન્ડમાં એક સ્ટેન્ડ ભારતીય કેપ્ટનના નામે રાખવાનો નિર્ણય કર્યો છે.
દિલ્હીના બે પૂર્વ ખેલાડીઓ બિશન સિંહ બેદી અને મોહિંદર અમરનાથના નામે પણ કોટલા ગ્રાઉન્ડમાં બે સ્ટેન્ડ છે, પરંતુ તેમણે આ સન્માન સંન્યાસ લીધા પછી મળ્યુ હતુ.
વિરાટ કોહલી સૌથી યુવા સક્રિય ક્રિકેટર છે. જેના નામ પર સ્ટેન્ડનું નામ રાખીને તેને સન્માનિત કરવામા આવશે. DDCAના અધ્યક્ષ રજત શર્માએ નિવેદન આપતા કહ્યુ કે, ''વર્લ્ડ કપમાં ટીમ ઇન્ડિયાના કેપ્ટન વિરાટ કોહલીના શાનદાર ફોર્મના યોગદાનના કારણે DDCAને ગોરવાન્તિત કર્યા છે. ઘણી ઉપલબ્ધિઓ અને કેપ્ટન્સીમાં રેકોર્ડ બનાવ્યા પછી તેમણે સન્માનિત કરવામાં ખુશી મળશે.''
વિરેન્દ્ર સહેવાગ અને અંજુમ ચોપડા દિલ્હીના 2 અન્ય ક્રિકેટ છે, જેના નામ પર કોટલાના ગેટ પર છે, જ્યારે 'હૉલ ઑફ ફેમ'માં પૂર્વ ટીમ ઇન્ડિયાના કેપ્ટન મંસૂર અલી ખાન પટોડીનું નામ આપવામાં આવ્યુ છે. DDCAની સાથે જ ટીમ ઇન્ડિયાના સભ્યોને 12 સપ્ટેમ્બરના રોજ જવાહરલાલ નહેરૂ સ્ટેડિયમમાં સન્માનિત કરવામાં આવશે.
DDCA ના અધ્યક્ષ રજત શર્માએ આગળ કહ્યુ કે, ''યાદોને સંગ્રહવા માટે DDCA એક સ્ટેન્ડ નામ વિરાટ કોહલી પર રાખવા માંગે છે. મને વિશ્વાસ છે કે વિરાટ કોહલીના નામનું આ સ્ટેન્ડ દિલ્હીના યુવાનો માટે પ્રેરણાસ્ત્રોત બનશે. અમને ખુશી છે કે, ટીમ ઇન્ડિયાના કેપ્ટન સિવાય પણ ઑપનિંગ બેટ્સમેન (શિખર ધવન), વિકેટકીપર (રિષભ પંત) અને બૉલર ઇશાંત શર્મા પણ દિલ્હીના જ છે.''
સોશ્યલ મીડિયામાં નંબર 1 ક્રિકેટર
ઉલ્લેખનીય છે, વિરાટ કોહલીના નામે વધુ એક ઉપલબ્ધિ આવૂી છે. ટીમ ઇન્ડિયાના કેપ્ટન વિરાટ કોહલીને સોશ્યલ મીડિયા પર સૌથી વધુ ફૉલો કરવામાં આવે છે અને વિરાટ ક્રિકેટ ખેલાડીઓની આ યાદીમાં સૌથી પહેલા સ્થાન પર છે. ટ્વિટર, ફેસબુક અને ઇન્સ્ટાગ્રામ જેવી સોશ્યલ મીડિયા સાઇટ્સ પર તેના 3 કરોડથી વધારે ફૉલોઅર્સ છે.
11 વર્ષ પહેલા 18 ઓગસ્ટે ડેબ્યૂ કર્યુ હતુ
From starting as a teenager on the same day in 2008 to reflecting on the journey 11 years after, I couldn't have dreamt of the blessings God has showered me with. May you all get the strength and power to follow your dreams and always follow the right path. 🇮🇳🙏😇#forevergratefulpic.twitter.com/sTZ7tKEoMz
આ સિવાય વિરાટ કોહલીએ 18 ઓગસ્ટના દિવસે 11 વર્ષ પહેલા (2008)માં ઇન્ટરનેશનલ ક્રિકેટમાં ડેબ્યૂ કર્યુ હતુ અને પહેલીવખત ટીમ ઇન્ડિયાની બ્લૂ જર્સી પહેરીને ગ્રાઉન્ડમાં રમવા માટે આવ્યો હતો. વિરાટે દામ્બુલાના ગ્રાઉન્ડ પર પોતાના ઇન્ટરનેશનલ કરિયરની શરૂઆત કરી હતી, ત્યારે શ્રીલંકા પ્રવાસે ગયેલી ટીમ ઇન્ડિયા વનડે સીરિઝની પહેલી મેચ રમવા માટે ઉતરી હતી. અહીં વિરાટે પોતાની પ્રથમ ઈન્ટરનેશનલ ઈનિંગ ઓપનર તરીકે શરૂ કરી કરી હતી, તે મેચને તાજેતરમાં જ 11 વર્ષ પૂરા થયા અને વિરાટ આજે વનડે અને ટેસ્ટની દુનિયામાં નંબર 1 બેટ્સમેન છે.