સુરત / ચોંકાવનારો ખુલાસો: ફેનીલે ગ્રીષ્માની હત્યા કરવા 30 વેબસાઈટ સર્ચ કરી, પછી કર્યું આ કામ, આજે દાખલ થશે ચાર્જશીટ

• ફેનીલે ગ્રીષ્માની હત્યા કરવા 30 વેબસાઈટ સર્ચ કરી 
• AK-47 ખરીદવા પણ ઓનલાઈન સર્ચ કર્યું 
• ગુરુવારે કેસની સુનાવણી થાય તેવી શક્યતા 

સુરતની દિકરી ગ્રીષ્માં વેકરિયાની હત્યાને લઈને લોકોમાં રોષનો માહોલ ફેલાયેલો છે. લોકો દ્વારા આરોપી પેનીલને ફાંસીની સજા આપવામાં આવે તેવી માગ કરવામાં આવી રહી છે. આ કેસમાં પોલીસ ઘટનાની ગંભીરતાને ધ્યાનમાં રાખીને તપાસ કરી રહી છે. ત્યારે આ કેસમાં આજે ચોંકાવનારા ખુલાસાઓ સામે આવ્યા છે. 

1 હજાર પાનાની ચાર્જશીટ રજૂ કરાશે 

પોલીસ દ્વારા ગ્રીષ્મા વેકરિયા હત્યા કેસમાં આજે ચાર્જશીટ રજૂ કરવામાં આવશે. SIT દ્વારા આ કેસની તપાસ કરવામાં આવી રહી છે. જેથી અંદાજે 1 હજાર પાનાની ચાર્જશીટ આ કેસમાં રજૂ કરવામાં આવશે. સાથેજ આ કેસની ચાર્જશીટમાં 150 સાક્ષી અને 25 પંચનામાનો પણ શમાવેશ કરવામાં આવ્યો છે. 

30 વેબસાઈટ સર્ચ કરી હોવાનો ખુલાસો 

ઉપરાંત ફેનિલની જે ઓડિયો ક્લીપ વાયરલ થઈ હતી તેની સ્પેકટોગ્રાફી પણ કરવામાં આવી છે. આપને જાણીને નવાઈ લાગશે કે ફેનિલે ઓનલાઈન AK-47 રાયફલ ખરીદવા પણ સર્ચ કર્યું હતું. આ ઉપરાંત હત્યા કેવી રીતે કરવી તે માટે ફેનિલે 30 જેટલી વેબસાઈટ સર્ચ કરી હોવાનો ચોંકાવનારો ખુલાસો થયો છે. 

FSLની મદદથી પુરાવાઓ મેળવવામાં આવ્યા 

આ કેસમાં FSLની મદદથી તમામ પુરાવાઓ મેળવવામાં આવ્યા છે. આરોપી ફેનિલે ફ્લીપકાર્ટની મદદથી ચપ્પુ ખરીદવા માટે પ્રયાસ કર્યા હોવાનું સામે આવ્યું છે. પરંતુ તેની ડિલવરી લેટ મળી જેથી કરીને તેણે મોલમાંથી ચપ્પુ ખરીદ્યું હતું. પોલીસ દ્વારા આજે આ કેસની ચાર્જશીટ દાખલ કરવામાં આવશે અને શક્યતા છે કે ગુરુવારે કોર્ટમાં આ કેસની સુનાવણી થઈ શકે છે.