વડોદરા / MS યુનિવર્સિટીમાં ફી વધારો કરાતા વિદ્યાર્થીઓ અને યુનિ.ની વિજિલન્સ ટીમ વચ્ચે ઘર્ષણ

યુનિવર્સિટીની વિજિલન્સ ટીમ અને વિદ્યાર્થીઓ વચ્ચે ઘર્ષણ થયું છે. 15 વિદ્યાર્થીઓ હેડઓફિસ પર ઉપવાસ પર બેઠા છે. યુનિવર્સીટીએ કોમર્સ ફેકલ્ટીની ફીમાં રૂપિયા 5 હજારનો વધારો કર્યો છે.

મહત્વનું છે કે 21,200 જેટલી ફી હતી, જેમાં 5 હજારનો વધારો કરવામાં આવતા 26,550 નક્કી કરવામાં આવ્યા છે. તેની સાથે પરિક્ષા ફી 1320 ઉમેરીને 27,290 રૂપિયા થાય છે. 

મળતી માહિતી અનુસાર, M.Com માટે બિલ્ડિંગ ચાલી રહ્યું છે. જ્યારે હવે તે પોતાની અલગથી બિલ્ડિંગ પર અભ્યાસક્રમને ખસેડવાનો નિર્ણય લેવાયો છે. જ્યાં ઇન્ફ્રાસ્ટ્રક્ચર સહિતની કામગીરી માટે એક કરોડ કરતા પણ વધુ ખર્ચો હોવાથી ફી વધારી છે.

જેને લઇને વિદ્યાર્થીઓ દ્વારા વિરોધ કરવામાં આવી રહ્યો છે. ફી ઘટાડવાની માંગ કરવામાં આવી રહી છે. ત્યારે હાલ 15 જેટલા વિદ્યાર્થીઓ હેડઓફિસ પર ઉપવાસ પર બેઠા છે.