ઓફર / માત્ર એક રૂપિયામાં ઘરે લઈ જાઓ Hero-TVS અને Hondaની બાઈક, ઓફર જાણી તરત લેવા દોડશો

• હવે એક જ રૂપિયો આપી ઘેર બેઠા વસાવો બાઈક
• એક શાનદાર ઓફર ફેડરલ બેંક લઈને આવી છે
• આ સુવિધા દેશભરના 947 શો રુમમાં ઉપલબ્ધ છે

બેંક તરફથી જારી પ્રેસ રિલીઝમાં કહેવામાં આવ્યું છે કે ગ્રાહકોને બેંકની શાખામાં જવાની જરૂર રહેશે નહીં. ડેબિટ કાર્ડ પર ઈએમઆઈની સુવિધા મળશે. બેંકે કહ્યું છે કે આ મામલામાં કોઈ દસ્તાવેજની જરૂર પડશે નહીં. આ પ્રોસેસ સમગ્ર રીતે ઓનલાઇન હશે. તમે પોતાના ઘરેથી આ કામ કરી શકો છો. 

ફેડરલ બેંકનું કહેવું છે કે ગ્રાહક 3, 6, 9 કે 12 મહિનામાં રીપેમેન્ટ અવધિ પસંદ કરી શકે છે. આ યોજના અંતર્ગત લોન પર કોઈપણ પ્રોસેસિંગ ચાર્જ લેવામાં આવશે નહીં. ગ્રાહક હોન્ડા મોટર સાઇકલના દેશભરમાં 793 શોરૂમ પર 5 ટકા કેશ બેક લઈ શકે છે. ગ્રાહકોએ આ માટે 5676762 નંબર પર એસએમએસ કે પછી 7812900900 નંબર પર મિસ કોલ આપવો પડશે. આ દ્વારા ઇએમઆઈની પણ જાણકારી મેળવી શકાશે.

ફેડરલ બેંક આખા દેશમાં 36,000 સ્ટોરમાં ડેબિટ કાર્ડ પર ઈએમઆઈ પેમેન્ટની સુવિધા આપે છે. બેંકે ઈ કોમર્સ પોર્ટલ એમેઝોન અને ફ્લિપકાર્ટ પર ખરીદદારી માટે હાલમાં ઈએમઆઈની સુવિધા શરૂ કરી છે. બીજી તરફ લોન આપનાર એનબીએફસી શ્રીરામ સિટીના એક અધિકારીનું કહેવું છે કે અત્યારે અચાનક ટૂ-વ્હીલરની માંગ વધી ગઈ છે.