જ્યોતિષ શાસ્ત્ર મુજબ ફેબ્રુઆરી મહિનો અમુક રાશિઓ માટે વિશેષ રહેવાનો છે. ખરેખર કર્મફળ દાતા શનિ આ મહિનાની 24 તારીખ સુધી અસ્ત રહેવાના છે. અસ્ત શનિ પણ ક્યારેક-ક્યારેક શુભ સાબિત થાય છે. આ ઉપરાંત કેટલાંક ગ્રહોની યુતિના સંયોગ બની રહ્યાં છે. જેના કારણે કેટલાંક રાશિના જાતકોને તેનો લાભ મળી શકે છે.
ફેબ્રુઆરી મહિનો અમુક રાશિઓ માટે શુભ સાબિત થશે
કર્મફળ દાતા શનિ આ મહિનાની 24 તારીખ સુધી રહેશે અસ્ત
આ રાશિના જાતકોને નોકરીમાં મળશે પ્રમોશન
મેષ
આવો જાણીએ કે ફેબ્રુઆરી કઈ રાશિઓ માટે વિશેષ રહેવાનો છે. મેષ રાશિના જાતકો માટે ફેબ્રુઆરી શુભ સાબિત થવાનો છે. કારકિર્દીમાં સારી સફળતા મળવાના અણસાર દેખાઈ રહ્યાં છે. લાંબા સમયથી નોકરીમાં પ્રમોશનની રાહ જોઈ રહેલા લોકોને સારા સમાચાર મળશે. કાર્યસ્થળ પર અધિકારીઓના સંબંધ મજબૂત થશે. આ સાથે જે લોકો બેરોજગાર છે, તેમને નવી નોકરીની ભેટ મળી શકે છે.
વૃષભ
કારકિર્દી અને રોજગારની દ્રષ્ટિએ આ મહિનો સારો રહેવાનો છે. તમારી અધૂરી મનોકામના પૂર્ણ થશે. તમારા કામમાં ભાગ્યનો સાથ મળશે. મહેનતના કારણે નોકરીમાં પ્રમોશન મેળવી શકો છો. નવા રોજગારની શરૂઆત માટે ફેબ્રુઆરી શુભ સાબિત થશે.
કર્ક
કર્ક રાશિના જાતકો માટે આ મહિનો સારો સાબિત થશે. કારકિર્દીમાં વિશેષ સફળતા મળવાના અણસાર છે. કાર્યસ્થળ પર મોટી સિદ્ધી મળવાની છે. આ સાથે ધન-વૈભવમાં પણ વધારો થવાથી માર્ગ પ્રશસ્ત થશે. તમારા જીવનસાથીનો પણ દરેક કામમાં સહકાર મળશે.
ધન
ધન રાશિના જાતકો માટે આ મહિનો શ્રેષ્ઠ સાબિત થવાનો છે. પોતાની પ્રતિભાને ચમકાવવાનો અવસર મળશે. કાર્યસ્થળ પર કાર્યના વખાણ થશે. જૂના દેવામાંથી છૂટકારો મળી શકે છે. આર્થિક લાભની અનેક તકો મળવાની છે. બિઝનેસમાં નાણાં સંબંધી સમસ્યાથી છૂટકારો મળી શકે છે.