ગુજરાત વિધાનસભાની ચૂંટણીને આંગળીના વેઢે ગણી શકાય એટલા દિવસો જ બાકી રહ્યા છે. તમામ રાજકીય પક્ષો મતદારોને આકર્ષવા માટે અવનવા પેતરા અજમાવી રહ્યા છે. ત્યારે હાલ તમામ રાજકીય પક્ષો ચૂંટણી પ્રચાર માટે એડીચોટીનું જોર લગાવી રહ્યાં છે. ગુજરાત વિધાનસભાની 182 બેઠકો માટે કુલ 1621 ઉમેદવારો મેદાનમાં છે. આપને જણાવી ગતરોજ બીજા તબક્કાની ચૂંટણી માટે ઉમેદવારી ફોર્મ પરત ખેંચવાનો અંતિમ દિવસ હતો. ઉમેદવારી ફોર્મ પરત ખેંચવાના છેલ્લા દિવસે 279 ઉમેદવારોએ ફોર્મ પરત ખેંચ્યા છે. ગાંધીનગર દક્ષિણ બેઠક ઉપર સીટિંગ ધારાસભ્ય શંભુજી ઠાકોરનું પત્તુ કાપીને અલ્પેશ ઠાકોરે બાઝી મારી લીધી છે. અલ્પેશ ઠાકોરને ભાજપે ગાંધીનગર દક્ષિણની ઉમેદવાર જાહેર કર્યો છે. જે બાબતે અલ્પેશ ઠાકોરે સાથે ખાસ વાતચીત કરવામાં આવી હતી
અલ્પેશ ઠાકોર સાથે ખાસ વાતચીત સવાલ: લીલા ધોરણે રાધનપુરથી પાછા આવ્યા છો ગાંધીનગર દક્ષિણમાં કેવો સમર્થન મળી રહ્યો છે?
જેના જવાબમાં અલ્પેશ ઠાકોરે જણાવ્યું કે, ગઈ ચૂંટણીમાં જનતાને સમજાવવામાં ક્યાંક હું નિષ્ફળ રહ્યો પરંતું આ વખતે રાધનપુરમાં કમળ ખીલવાનો છે અને ગાંધીમગર દક્ષિણમાં પ્રચંડ ભીડ, પ્રચંડ સંમર્થન મળી રહ્યો છે. તેમણે કહ્યું કે, અહી ભાજપનો સંગઠન મજબૂત છે. સવાલ: તમને પક્ષ પલટાના કારણે કદાચ ગત ચૂંટણીમાં સંમર્થન ન મળ્યું તો આ વખતે જનતા કેવી રીતે વોટ આપશ?
જેના જવાબમાં અલ્પેશ ઠાઠોરે જણાવ્યું કે, તેમણે કહ્યું ગત ચૂંટણીમાં હું લોકોને સમજાવવામાં નિષ્ફળ રહ્યો છું. વિકાસ માટે રાજનીતિ કરી રહ્યાં છે. કોંગ્રેસમાં લોક કલ્યાણ થતી જ નથી. સવાલ: તમે અને ધવલસિંહ બંન્ને સાથે સાથે હતા અને ગત ચૂંટણીમાં પણ તમે હાર્યા પરંતુ આ વખતે તમે તો ટિકિટ મેળવી લીધી પરંતું ધવલસિંહને ન અપાવી શક્યાં?
જેના જવાબમાં અલ્પેશ ઠાકોરે જણાવ્યું કે, ટિકિટ આપવાનો નિર્ણય પાર્ટી કરે છે મેં મન રાધનપુરથી બનાવ્યું હતું પરંતું પાર્ટી મને ગાંધીનગર લઈ આવી છે. ટિકિટ ન આપે તો બગાવત ન કરાય સવાલ: તમે આયાતી છો? અહીં સ્વિકારશે, અહીં તમારા વિરોધ થયો હતો
જેના સવાલમાં જણાવ્યું કે, હુ રાધનપુરમાં આયાતી હતો પરંતુ મને લોકો પ્રેમ આપ્યો છે, ગાંધીનગરમાં તો હું વર્ષોથી રહું છું અને વિરોધની વાત કરીએ તો રાજનીતિમાં આવું થતું રહે છે. સવાલ: ત્રીજો પક્ષ પણ છે?
તેમણે કહ્યું કે, ગુજરાતમાં ત્રીજો પક્ષ ચાલતો જ નથી, અહી લોકો ભાજપને જ સ્વીકારે છે.
સવાલ: અલ્પેશ ઠાકોરની અપેક્ષા હતી કે ઠાકોર મુખ્યમંત્રી બને?
તેમણે કહ્યું કે, મુખ્યમંત્રી ભૂપેન્દ્રભાઈ પટેલ જ બનાવાના છે અહીં બીજો કોઈ વિવાદનો મુદ્દો જ નથી
ગાંધીનગર દક્ષિણ બેઠકનો ઈતિહાસ
આપને જણાવી દઈએ કે, ગાંધીનગર દક્ષિણ બેઠક ઉપર સીટિંગ ધારાસભ્ય શંભુજી ઠાકોરનું પત્તુ કાપીને અલ્પેશ ઠાકોરે બાઝી મારી લીધી છે. ગાંધીનગર જિલ્લાની ગાંધીનગર દક્ષિણ વિધાનસભા બેઠક આ ચૂંટણી માટે કેન્દ્રબિન્દુ બની ગયું છે. આ બેઠક પર નજર કરીએ તો ગાંધીનગર દક્ષિણ બેઠક પર ઠાકોર સમાજની બહુમતી છે. આ બેઠકને 2008માં ગાંધીનગર વિધાનસભા ક્ષેત્રથી અલગ કરવામાં આવી હતી. ત્યારથી 2012 અને 2017માં બે ચૂંટણીઓ થઈ હતી. બંને ચૂંટણીઓમાં ભાજપના ઉમેદવાર શંભુજી ઠાકોરે કોંગ્રેસ ઉમેદવારો સામે જીત મેળવી હતી. 2012માં શંભુજીએ કોંગ્રેસના જુગાજી ઠાકોરને 8000થી વધારે મતોના અંતરથી હરાવ્યા હતા. જ્યારે 2017માં કોંગ્રેસના ગોવિંદજી સોલંકીને 11,500થી વધારે મતોના અંતરથી હરાવીને શંભુજી ઠાકોરે જીત મેળવી હતી. ત્યારે હવે આ વખતે ભાજપે છેલ્લી બે ચૂંટણીઓ રાધનપુર બેઠક ઉપરથી લડનારા અલ્પેશ ઠાકોરને આ બેઠક પરથી મેદાનમાં ઉતાર્યા છે. ત્યારે એ જોવાનું રહેશ કે, અલ્પેશ ઠાકોર આ બેઠક પર બાજી મારે છે કે કેમ?