ત્રીજી લહેરમાં ભારતીય બાળકોને લઈને વ્યક્ત કરવામાં આવેલી આશંકા અમેરિકન બાળકો પર સાચી સાબિત થતી જોવા મળી રહી છે.
અમેરિકાની હોસ્પિટલોમાં કુલ 2396 કોરોના ગ્રસ્ત બાળકો દાખલ
બાળકોમાં સંક્રમણના 2.5 લાખથી વધારે મામલા સામે આવ્યા
ચાર અઠવાડિયાની અંદર બાળકોમાં સંક્રમણના 7 , 50, 000 નવા મામલા
અમેરિકાની હોસ્પિટલોમાં કુલ 2396 કોરોના ગ્રસ્ત બાળકો દાખલ
અમેરિકામાં બાળકો પર કેર તુટ્યો છે. આ સમયે અમેરિકાની હોસ્પિટલોમાં કુલ 2396 કોરોના ગ્રસ્ત બાળકો દાખલ છે. જે અત્યાર સુધીનો રેકોર્ડ છે. એટલું જ નહીં ગત અઠવાડિયા દરમિયાન બાળકોમાં સંક્રમણના 2.5 લાખથી વધારે મામલા સામે આવ્યા અને આ પણ પોતાની રીતે એક રેકોર્ડ છે. મહામારીની શરુઆતથી લઈને અત્યાર સુધી એક અઠવાડિયામાં બાળકોના સંક્રમિત થવાનો આ સૌથી મોટો આંકડો છે.
ચાર અઠવાડિયાની અંદર બાળકોમાં સંક્રમણના 7 , 50, 000 નવા મામલા
હાલમાં અમેરિકામાં મળી રહેલા નવા કોરોના સંક્રમિતોમાં 26 ટકા ફક્ત બાળકો છે. અમેરિકા એકેડમી ઓફ પેડિયાટ્રિક્સના જણાવ્યાનુંસાર 5 ઓગસ્ટથી 2 સપ્ટેમ્બરની વચ્ચે એટલે કે ચાર અઠવાડિયાની અંદર બાળકોમાં સંક્રમણના 7 , 50, 000 નવા મામલા સામે આવ્યા છે. આ બહું ડરાવનારો આંકડો છે. સારી વાત એ છે કે બાળકોનો મૃત્યુદર ઘણો ઓછો બનેલો છે. આંકડા મુજબ અત્યાર સુધી 520 બાળકોના કોરોનાથી મોત થયા છે.
વધારે બાળકોના સંક્રમિત થવાની આશંકા
ઓગસ્ટ 2020થી અત્યાર સુધી હોસ્પિટલમાં દાખલ થનારા બાળકોની સંખ્યા 55 હજારને પાર થઈ ચૂકી છે. અમેરિકન સ્વાસ્થ્ય એજન્સી સેન્ટર ફોર ડિસિસ કન્ટ્રોલ એન્ડ પ્રિવેન્શન(સીડીસી)ના જણાવ્યાનુંસાર 6 સપ્ટેમ્બરે ખતમ થયેલા અઠવાડિયામાં પ્રતિદિન 369થી વધારે સંક્રમિત બાળકોને હોસ્પિટલમાં દાખલ કરવા પડશે. જો કે વિશેષજ્ઞ બાળકોના સંક્રમિત થવાનું એક માત્ર કારણ સ્કૂલ ખોલવા માની નથી રહ્યા. ડેલ્ટા વેરિએન્ટના કારણે વધારે બાળકોના સંક્રમિત થવાની આશંકા વ્યક્ત કરવામાં આવી રહી છે.
દાખલ થનારા બાળકોમાંથી 46.4 ટકાને પૂર્વ કોઈ બિમારી નથી
સીડીસીના જણાવ્યાનુંસાર હોસ્પિટલમાં દાખલ થનારા બાળકોમાંથી 46.4 ટકાને પૂર્વ કોઈ બિમારી નથી. મોટી સંખ્યામાં બાળકો મલ્ટી ઈન્ફ્લામેન્ટરી સિન્ડ્રોમ ઈન ચિલ્ડ્રેન (મિસ-સી) નામની બિમારીથી ગ્રસ્ત છે. સીડીસી મુજબ 4661 બાળકો મિસ સીથી પીડિત છે. જેમાંથી 41ના મોત થયા છે. ઉલ્લેખનીય છે તે અમેરિકામાં 12 વર્ષ અથવા તેનાથી વધારે ઉંમરના બાળકોને રસી લગાવવામાં આવી રહી છે. જેમાં 12થી 15 વર્ષના 25 ટકા અમેરિકન બાળકોને રસીના બન્ને ડોઝ લાગ્યા છે. આ ઉંમરના 33 ટકા બાળકોમાં એક ટકા ડોઝ તો 16થી 17 વર્ષના બાળકોમાંથી 37 ટકાને બન્ને ડોઝ લાગ્યા છે. જ્યારે 45 ટકાને એક ડોઝ લાગ્યો છે.